我嘅職業係專溝人地個女朋友: 6.22

 
(https://www.youtube.com/watch?v=eZh1mC1vPgw
衣度建議大家可以開住首歌當BGM咁睇下面衣一節，感覺會更好)
 
 
Queenie呀，如果你聽到衣段錄音，你話到底我應該係開心定唔開心好呢?
 
開心，係因為代表你未放低我
唔開心，亦係因為代表你未放低我
 




不過亦正因為咁，先更需要衣段錄音嘅出現。
 
其實我地咁多年嘅感情，大家都咁了解大家，雖然最後你同Ryan一齊出現喺我面前，但直覺上我仍然好難相信你會對我咁快變心，所以面對一向聰明細心嘅你，我不得不擔心有另一個可能性嘅存在
 
-就係你其實已經知道左我有病嘅真相，然後將計就計扮真係鍾意左Ryan唔想我再擔心你…
 
我唔知我嘅擔心係真定係假，但我唔可以比衣個萬一發生…所以我留低左衣段錄音，希望佢喺你面對痛苦，感到迷茫果陣可以幫到你一把。
 
如果你真係一早已經知道真相然後只係做戲比我睇，我知我死後你一定會再黎衣個對我地充滿意義同回憶嘅地方… 所以我預先將衣段錄音比左老闆娘，我拜託佢如果有日佢見到你一個人黎左衣度而且表現得好傷心，咁就請佢將衣段錄音交比你。
 




但如果你變心係真，咁應該就唔會再出現喺衣度。就算有日真係心血來潮出現，我相信你都唔會係太傷心嘅狀態，咁衣段錄音同我嘅離去就會成為永遠嘅秘密，唔會成為你以後美好人生嘅絆腳石。
 
對唔住… 明明我地講好左要永遠一齊陪住大家，但我守唔到衣個承諾要先走一步… 我知你會好難過，甚至會一時諗唔開生出想離開衣個世界嘅念頭，因為換轉角度如果我係你，我相信我亦都會一樣唔知點生存落去好…
 
我知係我自私，但我真係好希望你可以放低我繼續勇敢咁生活落去，代替我繼續好好咁享受衣個世界…
 
記唔記得我地無耐前一齊睇林家謙演唱會？佢最後咪講衣個世界有好多美好嘅野我地都想永遠將佢留住，就好似我地細個果陣會想個暑假永遠都唔會完，就好似演唱會去到尾聲大家都會想可以繼續一直聽落去。
 
但可惜唔係所有野都可以好似演唱會咁有得encore，好多野我地都好難永遠咁將佢地捉緊，無論幾唔捨得我地都總要面對佢地完結嘅一日。
 




所以我地要明白，有d野我地只要能夠將佢好好咁記住，咁就已經足夠…
 
我地嘅回憶全部都係美好甜蜜，所以只要你將佢地好好記住，咁其實就等於我仍然以另一個形式一直陪住你從無離開過…
 
我知係好難，但我真係唔希望我地開心嘅回憶會全部變成令你痛苦嘅回憶。所以你一定要努力搵到令你繼續生活落去嘅動力，然後遇到一個代替我愛你疼惜你嘅人，咁我相信到時你雖然仍會掛住我唔捨得我，但衣d回憶全部都仍然可以以一個美麗開心嘅形式活喺你個心入面。
 
衣個世界並唔完美，漫漫人生我地總會遇到好多美好嘅事物然後被逼失去佢地，所以我地要學識接受同面對，以另一種形式將佢地好好保存。
 
我相信將來你一定會繼續遇到好多更美好嘅事物。
 
前排我無意中聽到首好好聽好岩feel嘅歌，我諗衣個課題大概係我可以留比你同我嘅最後一堂課，我唱比你聽呀~
 
 
說真的 只能陪你走到這
當夕陽 餘暉灑落的此刻

錯過的 想告訴你的
那些承諾呢 都成了自責
 
最好的 我有沒有給你呢
凝望著 怕看漏你不說的
緊握著 手心的溫熱
不得不選擇 輕輕放手了
 
這是最後的一刻
誰都要學的一課
我們曾那麼快樂
才讓分開多不捨
要去的海天一色
獨留你遠途跋涉
如果你哭了我會更捨不得

 
這是最後的一刻
也是最珍貴一課
只要能有你陪著
什麼都不重要了
最後的這一堂課
倒數的鐘聲響了
趁世界 靜默之前我祈禱著
你能快樂
 
我還能 為你做些什麼呢
心疼你 總是逞強微笑著
聽見你 喊我的名字
回憶的海濤 淹沒了眼角
 

這是最後的一刻
無法逃避的一課
好多話還沒說呢
卻與你永遠相隔
要去的海天一色
遙遠得彷彿銀河
原來最平凡的心願最難得
 
這是最後的一刻
也是最珍貴一課
每一刻最難忘的
證明我們深愛著
最後的這一堂課
最後一定會懂得
被時間 抹滅的 早已經在我

心裡活著
 
 
Queenie，其實我真係好唔捨得你，好唔想離開你…
 
應承我你要堅強幸福咁活下去，我會係另一個世界一直睇住你祝福你…
 
對唔住…