我嘅職業係專溝人地個女朋友: 6.7

我嘅工作係喺藥廠賣藥，所以成日會進出醫院搵唔同科嘅醫生。
 
亦好彩正因為咁，我先發現到Wayne嘅秘密。
 
因為有日，我係醫院竟然撞到佢坐左係腫瘤科。
 
佢當時心事重重咁嘅樣，所以並無留意到我。
 
本身我想叫佢問佢點解係度，但諗起佢近兩個月嘅怪異，我最後並無出聲決定暗地裏觀察下佢睇下會唔會有咩發現。
 




見佢入左診症室後再出返黎，然後又來來回回去左兩間房，我不安嘅感覺就更加強烈。
 
之後有日我襯佢唔係屋企就將佢屋企反轉再反轉，然後我終於從一個文件袋入面知道發生左咩事。
 
原來Wayne個腦生左個瘤仲要係惡性，佢可能只係得返幾個月命...
 
果刻我個心好似受左一下重擊，眼淚不自覺咁無聲流下，個腦完全思考唔到接受唔到衣個現實...
 
知道自己深愛嘅人好快就要離開自己，唔親身經歷過係唔會明白當中嘅感受…
 




喊完一大輪當我慢慢冷靜返，我就知佢打緊咩主意。
 
憑我對佢嘅了解，發生左衣件事後我知佢一定放唔低我，好驚佢走左後我會接受唔到會好傷心，所以佢希望透過對我慢慢變差令我無再咁鍾意佢，甚至變心分手，咁佢就可以自己一個無聲無色咁離開，而我亦因為唔知發生咩事而可以繼續愉快咁生活喺衣個世界上。
 
佢真係好傻...
 
但我知衣個就係我愛嘅阿Wayne，永遠都係將我放喺第一位，永遠都咁溫柔咁緊張我感受。
 
喺衣段時間，我陷入左天人交戰…
 




突然間要接受Wayne患上絕症衣個事實真係好困難，潛意識我亦唔想就咁放棄，話唔定堅持Wayen個病情會有轉機。不過當我靜靜雞咁將Wayne嘅醫療報告拎去問左幾個自己認識嘅腦科權威醫生，我知除非奇蹟出現，唔係Wayne就真係只係得返好短嘅時間。
 
可能再過多一兩個月，佢就連正常生活都做唔到，然後…
 
到底我應該同佢坦白自己知道，然後同佢好好過埋衣段時間，定抑或扮唔知順佢意等佢可以唔駛擔心我安心離開?
 
我收埋左自己差唔多與世隔絕咁諗左兩日…
 
然後當我諗如果我係阿Wayne會點做，嘗試代入佢嘅角色，我終於有左決定。
 
對我地大家黎講，無野比對方更加重要，所有野都一定係以對方嘅感覺為先為對方著想，我知衣個一定係佢走之前其中一個最大嘅心願。
 
所以為左令佢安心咁走唔駛再擔心我，我決定搵人扮我男朋友去呃佢。
 
當佢知道我移情別戀，而個對象係一個好好可以負託終生嘅人，咁佢真係走果陣我就唔會太傷心，而佢亦唔駛再擔心我可以了無牽掛咁走...




 
咁岩，又真係即刻比我搵到一個似乎對我有意思又符合我要求嘅合適人選...