我嘅職業係專溝人地個女朋友: 6. Wayne與Queenie

「你好，你係…壞人? 」
 
「你好，有野幫到你?」
 
「請問你係咪可以幫我令女朋友移情別戀?」
 
「嚴格黎講你都岩嘅，只係d人通常都會講令女朋友主動向佢提出分手，好少會好似你咁問。原因?」
 
「無呀，我鍾意左第二個所以想同佢分手。」
 




「可唔可以講下你地嘅故仔?」
 
「可以。」
 
 
-Wayne 視角---
 
我叫劉永強，英文名叫阿Wayne。
 
由細細個開始，我每個星期都會跟父母返教會，而喺中學果陣，Queenie因為朋友介紹而開始返我地教會，我地亦因而有機會認識左大家。




 
教會除左星期日嘅崇拜其實仲有好多活動，例如我地衣d後生仔會有自己特別嘅青少年崇拜，亦會有分唔同嘅小組活動同討論。
 
Queenie因為咁岩編左入我果組小組，所以我地就多左好多機會接觸。
 
隨住接觸多左認識多左，我發現Queenie係一個好細心，好識為其他人著想嘅人。
 
每次有組員唔開心或者唔妥，佢總係第一個發現。有時避免組員尷尬，佢又好識避重就輕或者暗啞底提醒其他人醒水。而我地好多時攪活動果陣，佢總係可以無聲無色咁發現到我地諗漏左或者忽略左嘅問題然後幫我地執漏。
 
加上佢有一把好好聽好溫柔嘅聲線，所以我對佢除左欣賞之情外，慢慢仲有左男女之間嘅好感。




 
我有個感覺佢一定係一個無得頂嘅女朋友同老婆，娶到佢果個男人一定會好幸福。
 
不過當我不自覺咁留意佢多左後，我發現佢好似有一個好要好叫阿Roy嘅男性朋友。
 
衣個阿Roy雖然無返我地教會，但不時都會黎教會接Queenie走。而且間中望到Queenie電話果陣又會見到佢地whatsapp傾偈，所以好快我就認定左衣個阿Roy係佢男朋友，然後就好似比一盤涷水兜頭淋咁無晒奢想同心機，終日愁眉深鎖，甚至因為咁我仲有d怕再同Queenie接觸而開始迴避佢。
 
不過始終無一齊感情又唔係真係話好深，所以我都好快振作無事做返我嘅陽光男孩，最多只係間中見到佢地果陣仲有少少失望同唔開心。
 
直至幾個月後嘅一日，衣位Roy突然黎左搵我。