我嘅職業係專溝人地個女朋友: 5.12

兩日後我就收到Joe嘅電話，同我講話取消個委託。
 
「原來佢咁野蠻同霸道係因為佢對我無安全感…」Joe有d內疚但又感受到佢有d釋懷。
 
「你知就好喇，不過你都隱暪左原來你之前曾經呃過佢…」我少不免窒左佢一句。
 
「我以為已經過左去好少事咪無講，點知原來背後影響係咁大…」Joe有d尷尬答道。
 
「咁其實你即係有無出過軌?」我好奇一問。
 




「哈... 衣家委託close左係咪可以選擇唔答?」Joe更加尷尬咁問。
 
「咁我係逼唔到你嘅… 不過無論論以前係點都唔重要喇，最緊要係衣家。知道左問題就同佢好好諗下點解決啦。」而我亦無堅持。
 
「其實我地都未有答案… 不過我地都知有d野係需要時間建立同修傷，而溝通係第一步。只要大家以後有咩都開心見誠咁講，唔隱瞞，多溝通了解大家嘅想法，咁我地相信問題應該可以慢慢解決嘅。」Joe滿有希望咁講。
 
「咁就好… 希望你唔會再有需要搵我，同埋以後唔好咁易放棄啦…」我最後囑咐道。
 
「好多謝你… 其實你咁好人，點解要叫自己做壞人?」Joe問。
 




「係咪到我可以唔答?」我反問。
 
「可以… 咁係咪如果我答返你之前個問題嘅話你都會答返我?」睇唔出原來Joe份人咁八為左知答案寧願答返我之前嘅問題。
 
「唔會喎... 事實上你有無同我都已經無關係啦。」而我當然唔會就範理佢。
 
「哈哈，攪到我越黎越想知添... 不過如果有日你決定唔再做壞人衣份工作，其實你都可以考慮去做下情侶婚姻輔導員喎，咁咪可以由壞人變成好人囉? Vienna同我講果晚有個神秘路人甲開解左佢，我估果個應該係你?」Joe再講。
 
「咁當然係我啦，本身係想appraoch佢，但既然知道左佢個問題係咩咪嘗試開解下佢先囉...」
 




「多謝你呀，衣個結局應該比你溝左佢然後我地分手好好多...係喎，咁酬勞果方面點計?」Joe醒起後問。
 
「唔駛啦，反正我最後都溝唔到佢唔算完成到個委託...」不過衣單case我唔太想收錢。
 
「咁點好意思呀，始終你都付出左時間同心機...」但Joe就覺得有d唔好意思。
 
「都係一晚啫... 如果真係想多謝我你地以後就開開心心幸幸福福唔好再做錯事就得架喇... 其實只要你地以後無人再傷心或者尋死，可以開心幸福咁生活，咁對我就已經係一種救贖同回報黎…」我再解釋。
                 
「知道，以後我地會盡力去令大家幸福架喇。」Joe亦唔打算堅持。
 
「咁就好，加油呀。」
 
「咁為左答謝你，我答返你頭先個問題啦...」估唔到最後Joe竟然又突然決定對我坦白，或者因為正佢自己之前所講，佢唔鍾意人老馮自己所以都唔鍾意老馮人啦。
 
就係咁，衣個委託比想像中簡單同快完結。但唔知點解雖然我無完成個委託最後又無錢收，但我個心反而比做完其他cases感覺更舒暢同開懷。




 
而當時嘅我亦無諗過衣個case會喺往後嘅一日，用另一種形式幫助返我自己。