我嘅職業係專溝人地個女朋友: 5.11

---回到現實---

聽完Vienna嘅自白，我先知Joe原來有野隱暪左我。
 
我唔知佢之前到底有無出軌偷食，但明顯地因為Vienna自己嘅成長經歷，當日嘅事令佢對Joe完全無晒安全感。
 
而佢突然間對Joe咁霸道，亦係因為衣個係佢其中一個可以令自己從對方身上拎返少少安全感嘅方法，只係似乎唔long lasting咁解…
 
「咁你男朋友知唔知你屋企以前嘅野?」我問。
 




「我有講過下發生過咩事，但就無講得咁深入… 至於佢記唔唔記得，自己識唔識諗就唔知了…」
 
「唉…安全感… 我都明衣三個字對女仔好重要，但你都要顧及一下對方嘅感受。事實上聽你講其實佢為你付出同犧牲嘅都真係唔少… 至少你都要比佢知你背後有咁嘅原因，等佢可以諒解你多d。唔係其實你只會將佢越推越遠，然後令你更無安全感，最後變成左一個惡性循環…」我邊分析邊勸佢。
 
「其實我唔係唔明，但我就係硬頸…」Vienna又伏下頭軟弱地講。
 
「有d野爛左破壞左，就返唔到轉頭架喇，到識後悔果陣就已經太遲…  不過你都真係要問自己你仲可唔可以信任佢。其實安全感只係你嘅一種感覺，未必一定可靠…」我再勸。
 
「點解咁講?」Vienna抬起頭帶有淚光咁問。
 




「曾經，我嘅初戀都同我講因為衣三隻字所以佢唔選擇我，然後同左一個好比到安全感佢嘅人一齊。」我望住海邊嘅遠處講。
 
「咁之後呢?」
 
「幾年後衣個男人出軌有左第二個，而個女仔接受唔到就選擇左結束自己嘅生命…」我深深咁吸左一口氣然後忍住內心嘅刺痛講。
 
「下? 唔怪得你頭先咁講啦... 咁…你咪好傷心? Sorry呀…」Vienna抱歉咁講。
 
「…都唔重要喇… 其實我一直都唔明點解佢話對我無安全感，因為我知衣一世佢對我永遠都會係最重要果個…」我同時都忍唔住問出左心入面多年來嘅疑問。
 




「安全感係好個人嘅一樣野，個個唔同亦未必解釋到… 有時可以係同細過嘅個人成長經歷有關。所以一d對其他人黎講可能好少事嘅事，但對佢黎講就可以好重要。我個case其實都一樣…」Vienna嘗試分享佢嘅睇法。
 
「或者啦… 不過衣世我都唔會知道答案，而衣樣亦註定成為左我最大嘅遺憾同後悔嘅事…」我無奈說道。
 
「我都唔知可以點安慰你，唯有節哀順變啦…」Vienna唔知點安慰我。
 
「其實我講比你聽，都係想話你知有d野可以好突然，有d野破壞左亦未必可以修補返，到後悔已經太遲。所以如果你仲鍾意佢，仲想同佢一齊，你就試下放低自己嘅心結好好同佢傾下，一齊諗個解決嘅方法。唔係大家繼續落去都只會越黎越唔開心，段關係會被破壞變得越黎越差，去到某個位自然就會斷開… 
 
雖然好老土，但珍惜眼前人，至少比個機會佢去了解你嘅諗法啦。
 
兩個人一齊，其實最緊要就係溝通… 當大家都可以好清楚大家嘅諗法，信任亦自然可以慢慢建立。問題係，你願唔願意比多次機會佢去踏出第一步?」唔想再糾纏衣段往事我轉移返話題去正事。
 
「知道…多謝你呀…」Vienna諗左陣後答。
 
「希望可以幫到你地啦，咁難得先可以一齊去到衣步，無左真係好可惜架…」




 
「嗯…我會好好諗下。我都希望你可以早日放低到佢搵到自己嘅幸福…」
 
我無再應佢，只係向佢露出一個微笑以表示謝意，因為我知衣個希望並唔現實。
 
如果佢知我當日做過d咩，或者佢都未必會再咁諗。