我嘅職業係專溝人地個女朋友: 5.10

有鑑於上次的message事件，有次我襯佢去沖涼果陣就偷偷地拎左佢部手機出黎諗住check佢手機。點知佢因為拎漏野突然出左黎然後發現左我正偷睇緊佢部手機…
 
我feel到佢好嬲，但當時嘅我就只可以硬著頭皮咁大返佢，話佢身有屎先驚比我check。
 
結果我地又大吵左一場，而今次佢無再點特登氹返我，我地嘅關係亦真係去到新嘅冰點…
 
岩岩我地就係約左出黎攤牌希望解決到問題。我以為佢會好似以往咁講句對唔住就無事，但今次佢無不得只仲好惡咁鬨我。
 
「識左你咁耐，原來我一直都睇錯左你…我以為你好節儉亦真係愛我，但近衣幾個月我終於知道你真本性原來係咁貪錢… 你想吸晒我d錢，然後所有野都要跟你意願永遠唔會妥協… 你問心，次次我地鬧交有邊次唔係我就你，邊次唔係我主動道歉希望大家可以和好?
 




我真係覺得自己好cheap好卑微，點解我付出咁多但最後要受d咁嘅氣同苦? 而最慘係我為你犧牲咁多原來你都仍然係唔信我仲偷偷地查我電話… 而到衣刻你仲要係覺得自己完全無問題好似全部都係我問題咁… 
 
我真係唔想再繼續咁落去喇，唔係嘅話我預見到下半生等緊我嘅就只有無限嘅不幸同嘈吵，我唔想我成世都要咁過…」Joe好嬲咁講。
 
「咁你即係想點? 想分手?」聽到Joe嘅指責，我個心好痛，但唔想退讓下只可以問。
 
「我地冷靜一排先啦，好好諗清楚大家仲係咪想同大家一齊… 不過如果你仲係覺得自己無問題，咁我估我地都唔駛繼續落去，今次我唔會再妥協讓步…」Joe諗左陣後答。
 
「其實… 你係咪已經唔愛我? 你咁講野，背後係咪已經有左第二個所以想搵藉口同我分手?」我好自然咁諗同咁問。
 




「唔係… 我知你可能仲懷疑我上次呃你，但事情已經過去而我亦已經解釋左。如果你對我仲係零信任，咁我地真係無可能一齊落去…」Joe有d傷心咁講。
 
講完佢就轉身走左，淨低喊到已經收唔到聲嘅我…
 
稍為冷靜後我就自己一個人黎左衣個海灘。衣度都算係我自己一個小秘密花園，每次當我真係好唔開心好多野諗唔通果陣我都會黎衣度望住個海。
 
Joe知道衣個地方，而以前我唔開心黎衣度果陣佢多數都會識黎搵我然後氹返我返屋企。
 
但今次我等唔到佢卻黎左一個陌生人…