精子is money: 第132章 突如其來的告白

「積，唔好意思啊！我遲左。」我回頭一望，只見唐梓晴喘住氣，正從學校大門急步趕過黎。
 
「唔緊要。」我望住唐梓晴流晒汗個樣，我從褲袋拎左包紙巾遞俾佢，心諗其實佢肯同我去溫書已經好開心。
 
俾紙巾佢既時候望到佢手腕帶緊我年宵送俾佢果條手繩，我個心有種奇妙既感覺。
 
我地去到公共圖書館，咁岩撞到吳亦菲，原來唐梓晴同吳亦菲一早就約好左，我地三個坐埋一行，我坐中間，佢地就左右夾住我坐，

雖然溫書係一件好苦悶既事，但係總算有兩個靚女陪伴，溫完書之後我就去開工，一日咁就挨過左。
 


我地為左準備一個月後既考試，跟住落黎果幾日放學都黎公共圖書館溫書，係呢幾日溫書既期間吳亦菲搵我傾左好多計，

佢同我講左好多關於佢自己同埋佢果個網友既經歷，我懷疑佢就係我當年玩ｏｎｌＩｎｅ　ｇａｍｅ時認識既知己，不過我並無開口確認。
 
呢日吳亦菲話有事要做黎唔到溫書，今日只係得返唐梓晴同我去圖書館。

「阿積。」

當我溫到咁上下既時候，唐梓晴突然合埋本書，目光轉移落到我身上。



「嗯？」

「你要唔要做我男朋友？」

「下，咩話？你講多次！

「我話你做我男……朋……友……好無。」唐梓晴靠近我耳邊講，講每隻字既時候咁岩有口熱氣吹入我耳仔，令到我打左個冷震。

「啊！你……？」我仲以為自己聽錯，一時激動得制大嗌出黎。



「喂！先生你安靜ｄ啦，呢到圖書館黎架！」一個圖書館理員行過黎講。

「你唔想做阿？咁算囉。」

「好呀！」我即刻無猶豫直接答應。

「係喎，你唔好同其他人講住喎，因為我……怕羞……

望住唐梓晴怕羞個樣真係覺得佢好可愛，一諗到佢同我感情昇華到另一個階段，個心泛起一種甜絲絲既感覺。

「係呢，時候都唔早啦，不如我送你返屋企先？」

「好呀。」

送完唐梓晴返屋企之後我就要去開工所以無上佢屋企坐，走既時候個心依然跳得好快，


 
我發夢都估唔到女神竟然會向我呢個毒撚表白，由同學變為朋友，再由朋友發展為戀人，
 
呢一切對我黎講都好突然，就好似左發生一場夢咁，我好怕自己會醒過黎。