精子is money: 第133章 煥然一新

第二日，我精神抖數咁戴住年宵買既手繩返學，呢條手繩係同我送俾唐梓晴果條同款。

係路上我個心仍然未平復昨天既興奮，腦海不斷憶起梓晴向我表白既情景，


就係咁，我懷住興高采烈既心情踏入校門並行到班隊集合，我第一眼見到既人並唔係唐梓晴，而係金天羽。

「嗨！」我主動咁向金天羽打招呼。

「早晨喎積師父！搞咩你今日成個人唔同左咁既？好少見你咁開心喎。



「係咩？有咩唔同？」
 
「嗯，有種講唔出既感覺，就好似容光滿面咁囉，唔通你……尋晚去左叫雞？」金天羽出奇不意咁爆出呢句，周圍經過既同學都以奇怪目光望過黎。

「痴線，邊有呀！千奇唔好再亂講添呀！」我即刻掩住金天羽個嘴，同時周圍咁望睇下有無唐梓晴既蹤影。

冇幾耐唐梓晴同吳亦菲從大門慢步行過黎，從唐梓晴輕快既腳步睇得出佢依家既心情應該幾輕鬆，唔通佢都係抱住同我一樣既心情返學？

唐梓晴同我擦肩而過，係短短既一秒鐘，我同佢雙目互望，我向佢微微點頭，佢以微笑回禮。




「喂？？？」一隻白哲既大手係我面前揮黎揮去。

「咩事？」

「既然你咁開心，不如就襯今日教我武功啦。」

「好呀！反正今日我休息。」就係咁，我答應左金天羽教佢功夫。



「就咁話啦啵，放學去我屋企，有無問題？」

「無問題。」


眨下眼，咁就到左放學時間，梓晴就同吳亦菲去食野，而我要就去教金天羽，各有各忙。

「咦，藍佑龍？ＶＩＶＩ？」我望住遠方既藍佑龍自言自語咁講，我有預感跟住藍佑龍會有好戲睇。

「喂，行慢少少啦師父，咁急做咩姐。」金天羽傳出一聲嬌喘。

我無理到金天羽繼續加快腳步跟實藍佑龍，最終行入一間酒店，我認得呢間酒店就係之前同寶拉姐去果間藍際酒店。

「先生請留步，唔好意思哎，呢邊係貴賓專用升降機。」一個身穿酒店制服既女職員突然阻止我地去路。



「哦，我地都係呢到既貴賓住客黎。」

「咁麻煩先生出示你地既房卡丫。」

「呃，唔好意思，我好似留左張房卡係大堂，我地依家返去搵下。」


十五分鐘後，我同金天羽坐左係酒店某間房。

「你真係得？」我問眼前正專心望住電腦既金天羽。