精子is money: 第131章 人情冷暖

繼上次同李右婷發生愉快性事後，無幾耐就開左學，而我就每日返學等放學，放學等返工，日日如常，過住非常沉悶既生活，不過今日唐梓晴竟然主動約我放學去溫書。
 
放學後，我企係學校門口外既一支燈柱旁邊等唐梓晴，我望住馬路上既巴士一架
 
又一架駛走，走左無數班車，唐梓晴依然仲未黎。

 
呢個時候有個中年男人身著黑色西裝係學校門口出現，我同佢互相對望，佢個樣非常面善。

「請問呢位同學仔，你知唔知３Ｅ班點去？」中年西裝友問我。



「３Ｅ咪我個班？」我心諗

「拿，你向前行再轉左上樓梯……」我伸出左手指住前方，正講到一半既時候，阿花從學校大門行出黎。

「阿積？阿爸？你點解會係到既？」阿花帶住疑問向我眼前既西裝友講。

聽到呢句既我估唔到呢個西裝佬就係阿花既老豆，無記錯既話阿花屋企應該係中產。

「呃，叔叔你好。」我向阿花老豆微笑。



啦啦啦，我熟悉既手機鈴聲響起。


「唔好意思，聽個電話先。」我拎左部手機出黎聽，唐梓晴同我講話好快就行出黎。

「你架？」阿花老豆望住我手機上既鎖匙扣，呢個鎖匙扣正正係年宵果時買既。

「係呀，叔叔你鐘意既，我送俾你囉。」



「哦？唔洗客氣，你叫我世伯得啦。」阿花爸爸流露出滿意既笑容。

「唔該借借。」藍佑龍從校門行出黎，我見狀行開幾步讓個位俾佢。

人生中寶貴既半分鐘就咁過左，阿花老豆依然未讓步。

「唔該借借！」藍佑龍再次重覆講，以唔耐煩既語氣黎講。

「世伯……」我提示阿花既爸爸行開。

「阿爸！」阿花望住佢老豆打左個眼色，但係佢老豆仍然慒然不知。

「ＤＯＮ'Ｔ ＷＡＳＴＥ ＭＹ ＴＩＭＥ.」藍佑龍講完呢句後，從褲袋拎出一個同我鎖匙扣型狀無異既野出黎，然後對準我身邊部白色跑車，嘟一聲響起，跑車既車頭燈亮起。

「唔好意思，哈哈。」阿花老豆臉帶微笑，無半點尷尬咁讓左條路俾藍佑龍行入黎。



「哼！」藍佑龍彎腰打開跑車道門。


無耐，部車引擎響起，跑車由靜止變為動態，眨眼間就不見車尾燈。

「乜部波子唔係你既咩？」世伯呆左咁望住我。

「波子？」我不解咁回應。

「即係岩岩部白色跑車。」阿花爸爸無奈咁講。

「……」我諗左一陣，開始明白世伯係到講緊咩野喇。

「我醒起喇，你咪係上次果條友。」突然間，阿花爸爸面容微怒對住我講，語氣同上一番話既截然不同。


 
「阿女，睇你最近成日傻笑，你係咪拍緊拖？唔通你就係同呢條友？」

「你睇佢個樣幾咁寒酸，都唔知係咪性無能添，就算係拍拖都要搵岩岩果種男同學拍啦，又高大又靚仔，仲俾到人有一種安全感添。」

阿花老豆以厭惡既眼神啤住我，佢老豆既眼神，再加埋呢套西裝，真係愈睇愈面善。


「啊！」我腦海突然憶起上次抽李右婷水果個中年西裝男人就係我眼前既西裝男。

「阿爸啊！我同佢都無野既。」阿花淡淡咁講出呢句，聽到呢句既我個心忍忍作痛。

「你根本係見到人地有跑車之嘛，仲講乜野安全感喎，哼！」阿花回駁佢老豆。

「你唔洗再講啦，你跟我返屋企先。」阿花老豆拉住佢行走。



「我都話同佢無野囉！」阿花就快被佢老豆逼到喊。

「阿積唔好意思，我要走先。」阿花向我講。

「嗯。」我回應。

「你仲同佢講野？你以後唔好再同佢玩添呀！」阿花老豆臨走既時候故意放大聲線講。
 
一股寒風吹過，學校大門前又只得返我一個，我背脊挨實大門，我打左個抖震，我好凍……

此時此刻，我完全感受到人情冷暖，精子所帶黎物質既重要性。