精子is money: 第125章 年宵

「阿花企係到，你做咩事呀？」我說。

「嗯，做咩事？」阿花問我。

「無咩野，只係覺得你最近好似有ｄ唔開心姐，你係咪發生左咩事？」
 
「無呀。」

「哦，如果你有咩事記得同我講啵。」我向阿花講。



「嗯，冇事咁我走先啦。」

「掰掰。」阿花無應我就急急腳咁走左去。

「喂，積師父，過幾日就年宵啵，一齊去行下？」此時，金天羽行過黎問我。

「好呀，反正我都未去過。」自從我俾左張ＶＩＰ卡金天羽後，佢同我既交情就愈黎愈深。

「阿牛你去唔去？」我順便問埋阿牛。



「好。」

「就咁話啦，咁我地返工先啦，到時再聯絡啦。」
 


年宵當晚，我同金天羽阿牛三個麻甩佬行街，我經過一個攤位見到一個盾牌形鎖匙扣，我幾鐘意個盾牌形鎖匙扣，諗都無諗就買左佢。攤主仲送埋一支ＬＥＤ燈俾我，我將佢掛左係手機。

「喂，你地唔買野？」我講完呢句望一望阿牛同埋金天羽。



「唔洗，我只係黎湊下熱鬧。」金天羽回應

「喂！好靚既手繩呀，一百精子條，百七精子兩條，又平又靚既手繩，埋黎睇埋黎揀。」其中一檔攤位既員工大嗌，阿牛行左埋去睇，我地都跟埋去。

「買黎送俾女朋友？」一個比較多口既男員工問。

「……」我地無出聲，心諗我地邊有女朋友，而阿牛就好專心咁望住某條手繩。

「呃，唔緊要，買左佢送俾你女神包你成功。」男員工意識到自己講錯野。

「咁啦靚仔，睇岩既平ｄ俾你喇，可以試下戴上手睇下架。」

「四條手繩幾精？」我拎起條手繩望真ｄ又真係幾靚啵。

「嗯……收你三百啦。」



「咁如果八條五百精得唔得？」

「八條？五百五啦。」

「五百！」


「唉，好啦，見你咁靚仔先賣俾你炸，第個我唔賣架。」

「係喎，你買咁多條手繩做咩？」金天羽問我。

「買埋你地果份嘛，拿。」我遞左兩條手繩俾阿牛，係佢自己想要既，而自己就袋左兩條，其他果ｄ全部俾晒金天羽。

「我？我唔洗啦。」金天羽一邊笑住同我講，一邊將手繩收埋晒落褲袋。



「不過點解我有四條既？」

「哦，因為你之前都送過衫褲俾我，今日我咪送返幾條手繩俾你，禮尚往來阿嘛，你自己一條，三姊妹各一條，四條咪岩岩好囉。」

「多謝晒喎，喂！咪住，咩三姊妹呀，佢地只係我以前既校花，最多咪算……女神？」金天羽不知所措咁解釋。

「野就買完啦，仲有咩搞？」就係我地迷茫緊既時候，林舒寶無啦啦出現係我地面前。

「ＨＩ，你地都買左ｄ咩阿？」林舒寶問我地，自從佢被我拒絕完之後，感覺上成個人都唔同左，開朗左好多，我諗佢已經放低左對我既感情

「呢樣囉。」既然佢問到，我唯有拎岩岩買既鎖匙扣俾佢睇下。

「點呀？靚唔靚？」我問林舒寶。



「你知呢樣係咩野黎架可？」


林舒寶指住我新買既鎖匙扣。

「知阿。」心諗唔係一條普通既鎖匙扣咩？

「咁又係既，男仔阿嘛，點會唔鐘意呢。」

「阿牛咁你呢？」林舒寶望住阿牛，感覺上阿牛同林舒寶既關係愈黎愈好，之前既林舒寶係唔會問阿牛。

「……」阿牛無出聲，從褲袋拎出我岩岩俾佢既手繩，將其中一條套落林舒寶既手腕。

「……！」我同金天羽睇到眼都突埋。



「ｗｏｗ！」


數秒後先識反應。

「咳咳，又幾靚喎，多謝晒。」林舒寶臉都紅晒。

「哦，唔通你地約埋一齊黎年宵既？」我同金天羽用奇怪既眼神望住佢地兩個。

「不如去學校果個攤位睇下？好似係Ｆ８區。」林舒寶無視左我地，仲轉移話題。

「好呀。」我地齊聲回應，過左幾條巷，我地到左學校既攤位，仲撞到唐梓晴同埋吳亦菲。