精子is money: 第124章 進步

「各位同學午安，係週會開始之前，有個好消息向大家宣佈，我校就係岩岩取得
 
學界男子４*４００接力賽冠軍，係本校創校以黎第一個學界金牌，有份出賽既同學包括有４Ａ黃柑寶，３Ａ藍佑龍，３Ｅ文子牛，３Ｅ李晶積，

請以熱烈既掌聲恭喜以上既同學，並請以上既同學上台拎獎。」陳ＭＩＳＳ係台上講。

「ＷＯＷ！藍佑龍，藍佑龍。」周圍既女同學一聽到藍佑龍個名就不斷尖叫，自動忽略左我地既名。





啪啪啪，禮堂一片鼓掌聲。

我地幾個上台拎完獎，影完相就落返去台下坐，而藍佑龍就依然係台上仲拎住支咪。

「咳咳，各位老師，各位同學你地好。首先，我拎到呢個獎要好多謝陳ＭＩＳＳ對我既信任，俾左我擔任第四棒，

同時亦好多謝學校既培訓，最後要多謝我既隊友，因為接力賽並唔係一個人跑既，缺一不可。」藍佑龍向台下既無知少女放電，最尾果句證明左藍佑龍係一個偽君子。

「ＷＯＷ！講得好，佑龍勁，佑龍醒，佑龍無得頂。」一聽就知呢班係藍佑龍既頭號粉絲。
 


「各位老師，各位同學你地好呀！我係４Ａ班商科宣傳部李志均，農曆新年將至，我地學校今年既年宵攤位將會係維多尼利Ｆ８區，

希望各位同學多多支持。一個帶眼鏡既斯文男同學講，之後就到訓導主任老黃上台訓話。

「好，一月既週會到此為止，請各位同學安靜咁排隊返課室。」過左唔知幾耐，老黃終於肯放我地走。
 
 
「突擊測驗開始，你地將會有兩個鐘頭完成手上份卷，依家可以開始。」

翌日，突然間有科要突擊測驗，之後一科接一科既測驗都連住黎。




我望住眼前份數學卷，並無好似上一次考試咁樣停晒手，因為有好多題唐梓晴都曾經教過我，所以我可以輕鬆咁答左大半部份題目。
 
「夠鐘，停筆。」聽到呢句既我先慢慢放低筆，我諗今次係我第一次做卷做到最尾，以前一係唔做，一係就亂填答案就收工。
 
由於呢排都有同唐梓晴溫書既關係，數學都算得心應手，而中文科之前有俾林ＭＩＳＳ操練過，所以出黎既成績都應該唔會太差。
 

數日後，終於出左各科測驗成績，我第一次期待自己既成績。
 
「今次既測驗有人進步，有人退步，都係果句希望大家加油啦。」林ＭＩＳＳ住我地講。 

「耶！又進步左。」班上大部份同學都進步左。
 


「唔錯啵阿積，有進步，繼續努力，希望你可以進步落去。」林ＭＩＳＳ臉帶笑容咁交卷俾我。
 
「下一個，楊明花。」到阿花出去拎卷既時候，我發覺阿花呢幾日都垂頭喪氣咁。
 
「阿花你中午既時候黎搵一搵我，有少少野想同你傾下。」林ＭＩＳＳ對住阿花講。

 
眨下眼一日既堂已經全部上完，又係放學既時候，由於準備要放農曆新年假期既關係，今日既放學同學仔特別開心，諗返起好似返左學唔夠兩星期又放假的確係令人幾開心既。

「就算你地話我婆媽都要講架啦，各位同學假期記得要溫書啊！放假返黎就差唔多考試啦。」林ＭＩＳＳ溫柔咁對住我地全班講。

「ＭＩＳＳ放心啦，就算放完假起碼都仲有兩個月先考，你呃人咩。」

「兩個月話咁快就過架啦，算啦你地走，玩得開心ｄ，到時唔好後悔就得。」