精子is money: 第126章 難忘的情景

「嗨，乜咁岩呀？咁不如去食糖水？」吳亦菲問我地。

之後林舒寶話有糖水舖好介紹，間糖水舖係以自助形式經營。我地跟林舒寶入左一間糖水舖。

我為左係唐梓晴面前展現得比較健談，所以專登都撩吳亦菲傾計，至於點解唔撩唐梓晴傾計係因為我唔敢同佢傾計，亦唔知有咩話題好。

「我地去拎食野先。」林舒寶話，跟住我見到阿牛同林舒寶一齊行出去，而金天羽就好唔識情趣咁跟埋出去。

「係啵吳亦菲，聽講你同唐梓晴都係從美國黎架啵，你地其實過黎做咩？」我問吳亦菲。



「我未試過係到讀書嘛，想見識多ｄ野。」唐梓晴答我。

「其實我係過黎搵一個人，一個識左好耐既網友。」

「哦，咁佢住邊架？」

「好似係天秤村。」

「咁岩既？我想搵果個人都係住係天秤村。」
 


「係？佢叫咩名？講黎聽下，可能我識佢呢。」

「唔知，我同佢失去左聯絡好耐啦，我只係得佢遊戲名。」

「哦，係呢，果個人對你好重要架？」

「我出去拎野食先。」吳亦菲唔知係咪得制避開我個話題。


呢個時候張檯得返我同唐梓晴，正正係一個好機會，我諗返起阿牛岩岩既舉動，令我都大膽起黎，我好直接咁送左條手繩俾唐梓晴。



「好靚喎，多謝你。」唐梓晴伸出右手示意叫我幫佢戴上。

我估唔到唐梓晴無拒絕我仲叫我幫佢戴，我真係興奮到無法用言語黎形容當時既心情，心入面不斷諗咁樣係咪代表我有機呢？

無幾耐，阿牛金天羽同林舒寶返左黎，就到我同唐梓晴出去拎野食，食左大約半個鐘到就散場，食野既時候基本上無乜點傾過計。

「係呢，時候都唔早啦，返屋企啦我。」呢句好似係吳亦菲講，之後我地就各散東西，自己行返自己屋企。

新年已經無左拜年既習俗，而寶拉姐間舖又放假既，林舒寶又同阿牛出左去玩，

無野做既我每日都只係訓係張床到，望住假期一日一日咁過。


直到有日，林叔叔再次黎到我屋企，我永遠都忘記唔到果幕情景……



「呼！」我攤係地下喘氣，從我一出門口果刻就不斷向前跑，一直跑，我完全冷靜唔到，跑到就快缺氧，個頭開始有暈眩既感覺，個世界就好似圍住我黎轉。

一個鐘前，我唔小心整跌左年宵買果條手繩落梳化底，我執極都執唔返，反而仲愈整愈入，我唯有成個人捐入去梳化。