精子is money: 第123章 金天羽的鬥志

「乜你識佢地架？佢地係我之前間學校既校花黎，叫小露，小嵐同小楓。」

「哦，醒起啦旺街三姊妹，你以前間學校？你指金龍中學？」

「係呀，間學校係旺街，間學校其實係我阿爺開。」

「……！」呢間學校竟然係佢阿爺開，真係睇唔出。

「金龍中學女子組已經衝線，第一名係金龍中學女子組，再次恭喜金龍中學。」呢隊正係小露果隊。




「咁你有無去過佢地開果間女僕餐廳？」金天羽問我。

「有，我仲有張ＶＩＰ卡添。」

「嘩，你知唔知張ＶＩＰ卡有咩意義？」金天羽反問我

「唔知，食野平Ｄ？」

「呢個只係其次，呢張ＶＩＰ你係有錢都買唔到架，可以得到佢地三個其中之一專人服侍，據說黑卡只印三張。



金天羽愈講愈激動，仲激動到扯住我件衫。


「你想要？我俾你囉。」我望住金天羽就快流口水既樣，覺得佢猥瑣至極。

「真係既？」金天羽搖一搖我膊頭向我確認。
 
「係呀，呃你做咩，反正我都無用既，我好少會去旺街。」



「多謝晒。」金天羽二話不說就從我手中取走張ＶＩＰ卡。

「係喎，咁你點解好地地由金龍學校轉黎我地學校既？」

「實不相瞞，雖然金龍中學係我爺爺開既，但係我爺爺係一位退休軍官，非常講求體能上既成就，金龍中學係以全能發展為宗旨，

經過老師們嚴格既訓練後，凡係體能上唔合格既學生都將會踢出校，而我體能上正正係最差果幾位，我又唔想依靠關係，所以我決定轉校。」

 
「至於點解會揀姓玉強中學，情程度上係因為你，幾個月前，我係旺街遇見你，一幕英雄救美情景，你一身強而有力既肌肉，再加上完美既身手，最終打倒ＭＫ仔，而我同樣係一個好正義既人。
 
「……！」聽到呢句既我渾身一抖，起晒雞皮。

「你燃點起我心中既一團火，積師父，我真係好有心學武，請你傳授你畢生既絕技俾我啦。」
 


「先唔好講呢Ｄ住，你除左識攝影之外，仲有無其他興趣？
 
「興趣？我最想做既其實係駭客。」

「喂，上車啦，你兩個係咪唔走？」陳ＭＩＳＳ對住我地講。
 
「唔好意思要你地等，遲左添。」我同金天羽行上旅遊巴向陳ＭＩＳＳ道歉。

「司機可以開車啦，麻煩你。」陳ＭＩＳＳ講。

返到學校已經係下午，下午已經無晒堂上，不過仲要去禮堂聽一個月一次既週會。