精子is money: 第122章 比賽

「李晶積！你成個假期去左邊玩？點解一樣功課都交唔到？我俾一日時間你，你聽日好同我交返晒Ｄ功課。」我望住眼前既數學鄭ＭＩＳＳ，心諗彩佢都有味，
 
反正聽日佢都見唔到我既，聽日就係學界接力比賽既日子，我同阿牛將會唔係學校。
 

翌日，我地九點鐘到達比賽場地，運動場上有十幾個著住唔同款色體育衫既學生係到熱緊身，我諗佢地就係代表自己間學校既選手。
 
「１００米總決賽開始。」嗚槍響起，一個身穿黃衫既同學仔係人群中脫穎而出，快其他選手幾個身位，但選手們都不甘示弱，以全力跑向終點。
 
「１００米總決賽冠軍為陳小明，所屬學校為金龍中學，恭喜陳小明同學。」


 
「２００米冠軍為李大文同學，所屬學校為金龍中學，恭喜李大文同學，同時再次恭喜金龍中學順利奪取多面金牌。」
 
由於我同阿牛只係幫手跑接力賽，而接力賽要接近中午既時候先有，所以我地都呆坐左成朝，以我既觀察黎睇金龍中學比較強勢。
 
至於同樣無活動既阿牛就成朝滿面春風咁，睇黎佢同林舒寶既關係又更進一步。
 

「４*４００男子校際接力比賽第一次召集。」聽到呢句既我激動起黎，終於都唔洗再坐係看台，面對住強勁既選手，我有種興奮既感覺。
 


教練分配第一棒係我，第二棒係田徑隊某個高佬，第三棒係阿牛，而藍佑龍就負責跑最後果棒。
 
「比賽開始。」十分鐘後，嗚槍響出。
 
我一聽到槍聲，體內熱血沸騰，我不斷跑，不斷加速，最終拋離其他同學幾十米，
 
成功為隊友取得優勢，之後高佬同阿牛，保持第一名既姿態交棒俾藍佑龍，不過黃衫同學已經漸漸逼近。

「鬥到黎最後５０米啦，金龍中學同姓玉強中學實力相當，力勢相均，場面非常緊張。」旁述員開咪講。



我望住負責藍佑龍，呢個係關鍵，贏輸就要睇藍佑龍啦。

「！」竟然同時衝線？我全程好緊張咁望住呢場比賽。


「男子校際４*４００既賽果已經出黎，今次既冠軍有兩個，雙冠軍係金龍中學同埋姓玉強中學，而季軍係……恭喜晒以上既學校。」

喘晒氣既我行去飲水，突然間，有個人渣住部相機開閃光燈對住我，相機岩岩好擋住佢塊臉。

「積師父望過黎，等我幫你影返張大特寫先。」呢把聲好似係金天羽。

「咪影啦。」我反射性地舉起雙手擋住鏡頭。

「依，你做咩係到既？你唔係要返學架咩。」竟然係金天羽。



「學校叫我黎幫手影相，我係攝影方面有少少研究。」

「跑道上正進行緊既４*４００女子接力賽，暫時領先緊既係金龍中學。」旁述員開咪講。


「咁熟口面既？」我望住女子組第八線最後一棒選手。