精子is money: 第119章 李右婷的苦惱

「喂，阿牛，林舒寶唔見左阿，岩岩佢唔知發生咩事跑走左啊！你快Ｄ去搵佢啦，佢似乎有Ｄ唔開心咁，我地立即分頭去搵啦。」一邊講既同時，我打開個膠袋睇下，袋入面裝住幾枝檸檬茶，仲有一個禮物盒？

「好，咁我依家即刻去搵。」阿牛聽到呢句立刻轉身跑走，睇得出佢非常緊張。

「喂，你份禮物阿！呢條友仔真係幾有前途，睇唔出平時唔聲唔聲既阿牛都識得買禮物哄女仔開心，而我只係識整喊女仔。

「唔該。」阿牛見我呆左係到就從我手上搶過禮物盒，然後立即轉身跑走。
 
「做咩唔行既？」李右婷用疑惑既眼神望住我。



「行？行去邊？」

「你唔係話去搵林舒寶咩？」

「哦，唔洗啦，其實我得登製造機會架。」

「哦……」李右婷似懂非懂咁樣應我。

「好啦咁，難得一場黎到去行下啦，點都要周圍去睇下既。」我向李右婷打左下眼色，之後就開始自己行，李右婷慢慢咁跟上我既腳步，最終同我並排而行。



 

我停低腳步抬頭一望，各式各樣既燈飾係夜空中綻放，光芒四射，燈飾非常迷人，再望遠處一片人海既狹窄街道，情侶們迫於無奈地與路人擠迫。

我望到一幕情景，一個男人伸出左手為女朋友阻擋住路人既碰撞，而右手就緊握自己女朋友隻手，保護自己
 
女朋友，為佢開路，令我深深體會到雖有良辰美景，但卻無意中人相伴呢種感覺，
 
唉！唔知有無人可以俾我保護呢？唐梓晴依家又做緊咩呢？呢一切都只係我心諗。
 


「唉……」我不禁長嘆一聲，大約行左廿分鐘到，沿途上李右婷都無出過聲，只係一直我漫無目的咁跟住我，周圍遊蕩，我行佢就行，我停，佢就停。

「係啵，你阿爸好返未？」係呢個寂靜無聲既場面，我決定打破沈默。

「已經做左手術啦，好返好多啦，真係唔該晒你。」李右婷微笑回應。

「係喎，你爸爸點解會咁既？介唔介意話俾我知咩事？


我一時忍唔住沖口而出，講完先發覺自己好失禮。

「……」李右婷靜左數秒，樣貌係到回想緊當時既情景。

「做咩？係咪令你諗返起Ｄ唔開心既事？唔洗講啦，真係唔好意思阿。
 


「嗯，無咩事，反正件事已經過左十幾年，差唔多都要放低啦，一直以黎我都好
 
想搵人傾下，俾我發洩下，只可惜既係我一直都搵唔到真心朋友……李右婷愈講愈細聲。