精子is money: 第120章 憶起往事

「係我三歲果年，爸爸成日讚我活潑好動，比同年既小朋友識得獨立。

果年我讀緊幼稚園初班，放學既時候爸爸黎接我，爸爸想拖起我隻小手，但我無俾佢拖到，
 
我唔鐘意俾爸爸拖住，我怕會被其他小朋友笑，我想好似大人咁樣自己行路。
 
有一次放學過馬路既時候，一到綠燈我即刻自己過馬路，爸爸無阻止我，我知道爸爸一定係我背後咁睇住我，支持我，所以我更加有勇氣走落去。
 
點知行到去馬路中心既時候，綠燈突然開始眨起，短短數秒由綠燈轉為紅燈，隨後一部貨車突然從彎位駛出，貨車正以高速前進，



爸爸見到呢幕情景立即飛撲過黎，我感受到一對溫暖既大手包住我，非常有安全感，我唔驚……李右婷吞左啖口水繼續講落去。
 
「下一秒，咔嚓一聲，我聽到貨車好似輾過Ｄ乜野既聲音，但我無任何痛楚，只知道眼前漆黑一片，我仲記得當時爸爸同我講左句野到依家仲好記得。
 
佢用抖震既聲音講左句：「阿女你唔洗驚，你依家係阿爸既懷抱。」
 
其實當時我好清楚咁知道自己同阿爸係車底下面，聽到李右婷呢句既我都眼濕濕。


「貨車輾過之後，我感覺到一陣涼風吹過，之後再也感受唔到爸爸既溫暖，我唔敢睜開眼，因為我知道當我睜開眼既時候，一定會抵受唔住，我唔想令爸爸傷心，所以我選擇逃避。



我選擇一直緊閉雙眼同爸爸停留係馬路中心，同時周圍有好多人係到討論緊，有熱心既路人幫我地報左警。

無幾耐，警察同救護車都黎到，我微微睜開眼睛，透過小部分既視線，一個女警察行過黎安慰我帶我走，走既時候我無回頭，亦都唔敢回頭。

從此之後爸爸再無拖過我隻手，至此亦都感受唔到果種溫暖，淨低既只有當時既血腥味永遠殘留係我腦海中，如果可以既話回倒過去既話，我願意被佢拖住走。」李右婷一口氣講晒佢自己既故事。
 

「嗚……我對唔住爸爸，從此之後我就變得好靜，唔再活潑好動，事事安分守己。」李右婷講下講下就喊左。
 


「好對唔住，令你諗返起傷心事。」我嘗試安慰佢，點知佢伏係我心口，其實佢好似高我少少，所以個感覺有Ｄ似家姐同細佬咁。

「係啵時候都唔早啦，不如我送你返屋企啦？」由於我地係企係到既關係，伏係我心口既李右婷不知不覺已經伏左十幾分鐘，我膊頭同胸肌都有少少酸。
 
「唔洗啦下次有機會先啦，好多謝你聽左我講咁多廢話，今日我玩得好開心。」李右婷對住我微笑。
 
「下次先？咁係咪即係暗示我下次有機會上佢屋企坐？」我心諗
 
「咁好啦，咁你自己小心啲啦啵。」
 
「嗯，掰掰。」李右婷揮手向我告別。
 

行返屋企既途中，我諗住拎出手機玩下，點知就收到一個情聊訊息。



阿花：ＨＩ，倒數出黎玩？

寂寞的小雞雞：好。

之後阿花就無再回覆我，一日就咁又過去。