精子is money: 第八十九章 考試

光陰似箭，日月如梭，眨下眼咁就過左個幾月，終於黎到考試當日。
 
「依家既時間係上午９：３０ａｍ，結束時間係１１：３０ａｍ，夠鐘，依家正式開考。」一個監考老師望住自己隻手錶講左句

周圍既同學即刻拎起檯面既筆，進行兩小時完全無休止既答題，我就一直呆坐，我地考試既座位係按學號而編排，我係１５號，唐梓晴係１４號，所以佢住我前
 
面，坐我前面既唐梓晴做左一半既時候，停曬手放低筆，然後就趴低休息。
 
「唔通唐梓晴都唔識做？定係唔舒服呢？」我心諗
 


唔知過左幾耐之後……

「好，考試時間已到請各位同學停筆，不得再修改任何答案，請將試卷傳出黎。」

「呼，放學啦。」

「點呀？阿牛你掂唔掂？」

「一般。」



「咁我地食完野去返工啦。」

「嗯。」

 
就係咁一課又接一課既考試，一份又一份既試卷，每部都俾我ＫＯ曬，不過每課每份都交白卷……
 
考完試數日後，老師終於改曬所有卷，今日就一次過派返所有卷，仲會計埋總成績。

同學們帶住緊張既心情出去拎卷，我早就預左自己會拎幾分，所以我並唔似其他同學咁緊張。



「各位同學知唔知今次邊個第一名？係咪好緊張呢？」林Ｍｉｓｓ話

「第一名？唉，唔洗諗實係馬王啦。」

「係囉，３Ｅ班第一名不嬲非佢莫屬咖啦。」

「馬王同學出黎拎卷。」


「咳咳，其實唔係我高分，只係份卷易姐，我相信各位同學努力既話，總有一日都有我咁既成績。」馬王望完自己個成績，好滿意咁點頭，企左係出面講自己既心得，講完仲要拓一拓自己副眼鏡。

「呃……馬同學請你返埋位先，其實呢……今次第一名並唔係馬同學。」

「下，唔係掛，唔通係文子牛第一名？」由於阿牛曾經拎過一次全班第一名，於是班同學仔係到猜疑究竟係咪阿牛拎第一名。



「唔係……」

「唐梓晴同學，文子牛同學請出黎，你地今次既成績我好滿意，值得表揚，希望你地繼續努力。」之後佢地兩個拎住份卷返埋位

「哦，唔通係新同學？」班男仔大嗌

「梓晴同學咁犀利既。」大細波望住唐梓晴份卷講

「白少添，李晶積你地都出黎。」

「……」我同白少添行左出去


「點解份卷空白既？唔識做都試下啦。唉，我俾一星期時間你地做返份卷，做返曬先好交俾我，不過你地今次既分數依然為零分。」



「明白。」

今個學期第一名係唐梓晴，第二名係文子牛，第三名係馬王，而我同白少添就係最尾同埋尾二。

鈴鈴鈴，鐘聲響起……

「好，今日就到此為止，放學。」

「好耶，放學啦又。」

此時，係走廊外有一班八婆係到討論緊……

「喂，你知唔知呢，今學期全級第一名既竟然唔係李右婷呀？」



「你見唔見到佢岩岩知道成績果刻果個樣幾鬼慘？真係折墜呀。」

「唔好再講啦，好衰呀你地。」

「無計，鬼叫佢平時懶係叻咁，搞到班老師偏心於佢。」

「係囉，持住自己第一名就提出呢樣規則又舉果樣，抵死啦。」