精子is money: 第九十章 其實你係咪好缺精子?

李右婷竟然唔係全級第一？咁又會係邊個全級第一名呢？我一路行一路諗，穿過一條長長既走廊，從走廓望落樓下一個人影都無，所有同學都已經離開左學校，望一望手機上既時間，唔經唔覺我已經做左成粒鐘卷。

「今個學期全級第一名並唔係李右婷。」係我岩岩留係班房做卷既時候，呢句野一直係我腦海揮之不去。

學校非常安靜，我經過３ａ班正要落樓梯既時候，陣陣微弱既抽涕聲落入我耳中。
 
我從窗口望入去見到一個人抱住頭踎係角落偷偷哭泣，呢個情景好熟悉，好相似……

就好似我初初升上中學，岩黎１Ｅ班既時候日日俾白少添恰，直到有日放學我忍唔住偷偷地喊，咁岩阿牛見到呢幕情景，佢唔單止安慰我。



第二日，身為中一但有米七高既阿牛仲向全班講：「如果邊個再恰我既話，就打邊個。」之後，白少添就無再恰我恰得咁犀利。


「你無事阿嘛？」我遞左張紙巾俾眼前既少女

「……」哭泣仍然未停止，直到數分鐘後。

「講黎聽下啦，話唔定我可以幫到你呢。」

「你都唔明。」少女以冷淡既語氣回應



「我無左第一名呀！」少女好激動咁講

「第一名……對你黎講真係咁重要咩？」

「就好似我咁，我自己夠係考全級最尾果幾個，咪依然好開心咁生活，所以你唔好咁唔開心啦。」

「唔係呀！你都唔明，我所需要既係第一名既獎學精，並唔係第一名既稱號。」

「係啵，其實你唔驚升唔到班咖咩……過埋今年我地就會升上中四，即係高中咖啦。」李右婷已經停止哭泣，抬頭好認真咁望住我。



呢次係李右婷自從知道左捐精救佢既事之後，唯一無避開我既眼神既一次。


「……」今次到我沉默了，呢個問題我以前又真係無諗過，高中？我一直以黎對自己既學業成績都處於放棄狀態。

「其實你……係咪好缺精子？」講完呢句我察覺到自己講錯野，係呢個狹窄既教室角落，只有我同李右婷，孤男寡女共處一室，男既必有損失。

「……！」李右婷生起紅暈，臉色漸紅，似乎察覺到某ｄ野。

「唔係你所想咁咖，我並唔係咁既意思，請你唔好誤會。」我向李右婷不斷揮手

「其實我只係想請你返我地舖頭做野炸，公司地址好近，放學行過去都只係十五至廿分鐘，唔知你有無興趣呢？」