精子is money: 第八十八章 辭工

翌日，我地班同學仔都準時七點集合，食完早餐後再進行一輪團體活動，最後影埋班相就搭車走人，兩日一夜既露營之旅咁就結束，返到學校我地今星期既功課
 
就係要寫返旅行個感想。公司已經裝修好，意味住我又要開始打工，而還精俾雲哥既約定仲有唔夠兩個月。
 
我一放學就行去公司，咁岩今日阿牛放假，佢又陪我行既時候，我問佢：

「依，咁不如你都黎見工啦。」

「唔洗啦阿積，我覺得自己做緊果到都幾開心。」



「但係……你黎我間公司既話，有時可以見到林舒寶啵，咁樣你咪可以同佢有更多既交流空間囉。」

「嗯，咁好啦。」

「係喎，阿牛你尋日有無俾果袋野林舒寶？」

「有呀，佢打開左黎睇，仲好開心咁問我係邊個買俾佢既。」

「哦。」




「咁你點答？」

「我當時唔知要點答，咪話你俾咖囉。」

「唉，點解咁蠢阿你，你緊係要話你買俾佢咖啦，你咁驚講我怕佢會誤會……」

「算啦見步行步。你記得呀，一間表現得健談ｄ拎返個好印象，寶拉姐可能係你未來岳母黎。」

「寶拉姐，午安，呢位係我同學阿牛，佢想見工。」我向寶拉姐介紹阿牛，然後我周圍咁望，睇下裝修後有咩分別，間舖大左一倍，裝飾擺設都提升左品味。


 
「寶拉姐你好。」阿牛點頭說
 
「嗨，阿牛你好。」寶拉姐回應
 

呢個時候舖頭既門口開左，林舒寶都黎左。
 
「嗨阿積，好多謝你幫我準備既旅行用品，的確好實用，不如今晚我請返你食飯啦。」林舒寶向我講
 
「下次先啦，我今晚仲有野要做。」我帶住微笑咁拒絕林舒寶
 
自從林舒寶黎左之後，阿牛行為舉止都怪怪地咁，表情尷尬。
 
「係啵，寶拉姐咁請唔請阿牛？」


 
「請緊係請啦，我俾個權你請人，以後請人既話你話事啦，你最好盡量幫我搵多幾個人返黎添呀！依家間舖咁鬼大間，請多ｄ人先有人氣咖嘛。」
 
「好既，微臣遵命。」我雙手抱拳
 
「依，阿牛你都係到呀？嗨……」林舒寶向阿牛揮揮手，依家先發覺到阿牛既存在。
 
自從上次之後，林舒寶經常黎舖頭幫手，而阿牛就辭左便利店份工黎我地舖頭到做，我地幾個都做得非常愉快，一個周末又一個周末咁又過左。

至於，間舖仍然係長缺人手，原本我諗住搵埋李右婷同埋阿花幫手，但係我諗阿花應該唔會黎，所以去就無開口問阿花，直接去搵李右婷，

不過自從李右婷知道我捐精救佢之後，佢離遠見到我就避開我，或者露出好尷尬既表情，我唯有好識情趣咁調頭走啦。