精子is money: 第八十七章 聽一個故事

係一個漫長既黑夜，我仍然難以入睡唯有打開手機，當我打開情聊既時候，即刻有幾個訊息彈出黎。

Ｇａｙｂｒｏ：ＨＩ，你好靚仔，我菊花好緊，想唔想同我黎一炮？

ＨＥＹＨＥ：做唔做基友？

見到呢兩條友既訊息，嚇到我即刻刪左佢地好友。

ＰａｕｌａＬａｍ：點呀？有無俾到ｄ野我女？



由於我唔知阿牛有無俾到林舒寶，所以我選擇無回寶拉姐。

我走出帳蓬想要吸口清新既空氣，遠處竟然有個人影獨自孤單地坐……
 
 
一個玲瓏浮凸既身驅獨自坐係一片無盡既草地上……我靜悄悄咁行過去，原來係林Ｍｉｓｓ，我坐係林Ｍｉｓｓ草地幾米之外，風吹草地傳黎陣陣的沙沙聲，

林Ｍｉｓｓ的秀髮因而被風吹起，飄逸的秀髮顯得林Ｍｉｓｓ更美麗動人。

「Ｈｉ。」我扮Ｃｏｏｌ咁講



「……」周圍一片寂靜，我仍然望向林Ｍｉｓｓ，仔細一望原來林Ｍｉｓｓ著緊一套單薄得黎又緊身既黑色運動裝，


黑色運動裝顯出Ｍｉｓｓ神秘又性感的身姿，林Ｍｉｓｓ伸直對腳夾實咁坐，露出一條運動長褲包住既修長既美腿。

「係你？」良久後，林Ｍｉｓｓ冷淡地發出一聲，又再一次冷場，直到幾分鐘後林Ｍｉｓｓ再一次講野……

「可以聽我講個故仔？」



「願聞其詳。」
 
我懶洋洋咁躺係草地上抬頭望住漆黑中的浩瀚星際，正係到數天上既星星時，有把女聲開始講：

 
「從前，有個女仔佢岩岩升上大學既時候，識左一個同佢同級既男仔，佢地一見鐘情，相見恨晚，無耐佢地一齊左，咁就互相相愛一齊左四年到，原本全部人都睇好佢地會結婚，點知最後分左手，你知唔知點解？」
 
「係咪條女太樣衰，所以條仔飛左佢？定係條仔太窮，所以條女唔要佢？不過……估唔到Ｍｉｓｓ你會講呢ｄ故仔啵，我仲以為你只會講古人既故事添，哈哈。」
 
「膚淺，原來呢個男仔多次向女朋友提出性交，但係個女仔唔肯，話一定要結婚後先可以有性行為，經過屢次既拒絕後，個男仔最終選擇分手，故事大約就係咁啦。」

「究竟男人係咪咁鐘意Ｓｅｘ？無Ｓｅｘ係咪真係會死？」林Ｍｉｓｓ目光呆滯自言自語地說

我心諗：「係呢個世界……又好似真係會死啵。」然後偷偷望住林Ｍｉｓｓ，佢既眼神變得清澈，佢既目光變得柔和，對眼仲有ｄ淚光，我諗我大約明啦。
 


「好啦，時候唔早，早抖。」之後林Ｍｉｓｓ起身拍拍自己屁股，灰塵與草瞬時離開佢條運動褲。
 
「Ｍｉｓｓ……下次唔開心既話歡迎搵我傾，如果唔介意既話我可以做你永遠既聽眾。」
 
「睇下點先啦。」Ｍｉｓｓ一聲冷笑

「不過，聽朝七點起唔到身既，你就知死，嘿嘿。」林Ｍｉｓｓ帶住狡猾既笑聲講，笑聲續漸變細。

「死啦，乜原來已經三點鐘咖啦？」我從褲袋抽出手機望左眼，嚇到我即刻彈起身，此時林Ｍｉｓｓ早已離去。