精子is money: 第八十一章 未出發先興奮

阿花：「喂，阿積你搞咩呀，去兩日一夜既露營洗唔洗帶多野？又唔係去旅行，你太誇張啦。」
 
「你唔明咖啦。」我回應阿花，呢個時候阿牛都行左過黎排隊，佢一副無黎神氣既樣咁望左眼我袋行李講左聲：「早晨。」跟住佢打左個喊露
 
「早，搞咩咁攰阿。」我對住阿牛講

「尋晚返工。」

「哦，咁你今晚呢？」



「請左假。」

「係啵，你靠埋ｄ先，有ｄ野講俾你知。」我靈機一觸咁講

「……？」阿牛高大既身驅依然企係原地

「你靠過黎先啦，有重要事，係關於林舒寶咖。」最後果幾隻字我得登愈讀愈細聲。

「……！」
 


「就係咁啦……」我將寶拉姐上次講俾我既野完完整整講俾阿牛知，講完之後就將屬於林舒寶既行李交左俾阿牛。

阿牛好樂意接手仲一臉幸福咁講：「多謝你，阿積。」

「洗咩咁講，兄弟呀嘛。」Ｏｈ　ｎｏ我諗阿牛已經墜入愛河。
 

「各位同學，今日係我校既旅行日，各位同學你地興唔興奮呀？」台上宣佈既人係體育陳Ｍｉｓｓ，係一個烈日當空下，陽光照射住陳Ｍｉｓｓ，

陳Ｍｉｓｓ頭髮被反射出一個光環，猶如一個小天使，再加上她小麥色的膚色下顯出非常陽光的感覺。



「興奮。」各班各級的同學興奮到叫破喉嚨
 
「好啦，我依家宣佈一下有邊班旅遊巴到左先……」陳Ｍｉｓｓ望住手上既Ａ４白紙
 
「嗯，到左既有１Ｃ班，１Ｂ班、２Ｂ班、３Ｃ班、３Ｅ班，暫時係以上既各位，請岩岩以上我讀既班別去到正門上車。」

「車牌如下ＡＪ１０２，ＰＪ１０３、ＪＫ１０４、ＰＫ１０５，重覆一次係……」
“ 　                                                 “

 
我地上車前點齊人數，上到車又再點一次人數，我行去坐中排窗口位坐低，而阿牛就坐我外面。

「各位同學坐穩啦，唔好亂企起身呀！」林Ｍｉｓｓ向全班講



「好，齊人可以開車啦司機，唔該你。」林Ｍｉｓｓ向司機示意

「唔好意思阻一阻大家先，同你地講返小小規則先，記得切勿唔破壞當地既環境，例如：亂拋垃圾，亂吐痰等等，且外你地唔可以飲含有酒精既飲品，違規者嚴重處分。」林Ｍｉｓｓ渣住枝咪詳細咁講

「得啦Ｍｉｓｓ。」白少添好串咁講

 
旅遊巴終於由靜止轉為移動，從開車果刻我一直側望住窗口，我好鐘意坐窗口位，因為可以欣賞唔同既風景，部車經過一道天橋既時候，

天橋岩岩好擋住陽光既照射，窗外瞬時變黑，我從漆黑既玻璃中見到一個楚楚動人既女仔，我仔細咁望清楚原來唐梓晴就正正坐我係後面，佢同緊個大細波坐緊。

由於女神不單止樣貌好，性格亦好，所以佢同班上既人都好玩得埋，不論男或女……