精子is money: 第八十二章 男女共營

我一直望住窗外既風景，見證住我地由市區穿往郊區，見證住市區的繁華，郊區既荗盛。旅遊巴終於停左，不知不覺間已到達目的地，我望一望手機上既時間，原來已經搭左個幾鐘車程。

 「各位親愛既同學已經到達目的地啦。」之後一眾同學一個跟一個咁排隊落車

「林Ｍｉｓｓ我地玩咩先？」

「乜我無同你地講咩，唔緊要我依家講多次先，我地朝早既活動係行山。」

「下！唔係呀嘛，旅行啵Ｍｉｓｓ，行山？」



「係囉，學校有無搞錯呀！」

「係呀！絕對無搞錯，反而我覺得行山係唔錯既選擇。」

「嗯，的確係有益身心，不過大熱天時怕唔怕中暑呀？」

「……！」我沉默了，聽到Ｍｉｓｓ既上午既活動後，我都大感驚訝。

「你點睇？」我望一望阿牛，阿牛表示無意見。



「出發！」就係咁我地既足足行左三粒鐘山，正午既時候係山上既涼亭野餐。


不得不說，係呢個上午既活動，我體驗到學到既野絕對係書本上學唔到，搵唔到既，學到ｄ乜？

最主要都係團結囉，即使我已經好攰好攰，依然都幫阿花拎住小小物品，減輕佢既負擔。

學習到係一個身心疲憊既環境下幫助有需要既同伴，逆境成長令到我地班團結起黎。

「好，自由活動，你地記得要認路，記得開手機，有咩事就打俾我，如果真係發生左咩意外第一時間要通知我，如果真係好嚴重既話一定要報警。」林Ｍｉｓｓ交帶左呢句俾我地



「呼，好耶。」


 係呢個自由活動既期間我只係坐係原地，望住班女同學周圍咁影相，其實都幾悶下。
 
轉眼間天色漸漸變黑，原來已經到左晚上六點鐘，我到達集合地點，望住同學仔一個一個咁返黎。
 
入夜後蟬聲不斷，係呢個寂靜既環境下添一份刺耳的聲音，令人心感煩躁不安。

此時，林Ｍｉｓｓ正穿著一身長衫長褲運動裝，扎住條馬尾行過黎。

「齊人未？」林Ｍｉｓｓ點齊人數之後就分配食物，我地起火起左成粒鐘先起到火，飲飽食醉後Ｍｉｓｓ話俾個遊戲我地玩下。

「我地依家玩小小既遊戲先，呢個遊戲就係抽籤，抽到刻住同樣既字母籤，今晚就要訓同一個帳篷。」



「每組都最少會有男仔，換言之每組最少都會有個人係異性，主要目的係男仔可以保護女仔。」

「嘩，咁咪男女共營？」

「你地都大個啦，我相信你地唔會做出唔該做既野。」之後Ｍｉｓｓ開始派發手上既籤。