精子is money: 第八十章 母愛係偉大既

「好耶，正呀露營。」男同學說

「露營？我怕黑咖啵，又多蚊……」女同學說

「係啵，咁Ｍｉｓｓ我地要帶ｄ咩去？」阿花問道

「嗯，問得好，好問題。」林Ｍｉｓｓ開始好詳細咁講解

「基本上你地只需帶備私人用品，衛生用品，更換衣物，適量既小食，兩公升水。此外，我個人強烈推薦要帶打火機同埋水樽，至於帳篷學校會提供，同時學校亦會提供新鮮既食物。」同學們全神貫注聚精會神咁聽Ｍｉｓｓ講



「嗯，記得一定要帶防曬，防蚊，雨具。」班女同學插把口話

「咁我地可以著咩衫去？」

「只要不過分暴露，標奇立異就可以，最好就著運動裝，休閒衫，波鞋等等，方便我地玩遊戲。」鈴、鈴、鈴，放學既鐘聲響起
 
「好啦，你地放學先啦。」林Ｍｉｓｓ說

「掰掰林Ｍｉｓｓ。」隨後，同學們精神抖擻咁衝出校門，而我踏出校門外既時候，手機不斷係我褲袋震動，我拎手機出黎打開一睇，原來係情聊訊息……



 
從我見到有情聊訊息果刻我就知道係邊個Ｓｅｎｄ訊息黎，因為我情聊只得一個好友，我一打開情聊果然係寶拉姐……

ＰａｕｌａＬａｍ：我聽講你地學校就快要旅行啵，我想你代我俾ｄ野俾我個女，我個女好善忘，我怕佢會帶溜左野

寂寞的小雞雞：好既寶拉姐，無問題（我用手指飛快咁禁手機上既屏幕回覆寶拉姐。）

ＰａｕｌａＬａｍ：我個女讀３Ｃ班叫林舒寶，同埋你依家應該放左學？

ＰａｕｌａＬａｍ：麻煩你黎一黎公司先，唔該你先



寂寞的小雞雞：好好好，無問題，即到呢個時候我部手機再次震，Ｇａｙｂｒｏ，Ｈｅｙｈｅ，李白，……已申請成為你的好友，Ｆｉｏｎａ　Ｎｇ已接受你的好友申請，我禁左個確定全部接受曬好友申請。
 
我一望到Ｆｉｏｎａ　Ｎｇ佢個頭像時，我個心有無比既喜悅，呢個就係我之前Ａｄｄ果個好有感覺既女仔，我不斷咁望個女仔既資料，不知不覺間，已經行到公司門口。
 

眨下眼又過左半個月，終於黎到旅行日當天，我企左係操場上３Ｅ班班隊，同學們以無解既眼神異望住我手上既行李，無錯係可以用行李黎形容。
 
我手上拎住一袋二袋野，屬於我既野只係得一個小小既背囊，望住呢袋野回想返起果日係公司既時候寶拉姐將呢袋野交俾我既時候，

佢叮囑我千奇唔好俾林舒寶知道係佢俾既，袋野有我半個人咁高既，再一次證明母愛係偉大既。