精子is money: 第七十九章 唔合格

「呼。」沖完涼出黎狀態果然好返好多，心血來潮既我影左張出浴照，就用呢張做情聊頭像啦，我影左幾張相左揀右揀咁，望一望，好友仲係得一個，上次我加果個女仔仲未回應我，試下再加佢先，我禁左確定制。
 
翌日如常地上學，如常地下課，每天亦如此，重覆又再重覆。眨下眼咁就過左一個星期。自從上次救左唐梓晴之後我每日都可以同佢傾幾句計，即使係幾句話，都已經足夠讓我開心一整晚。

 
「好，收埋曬所有筆記同書本，依家開始背默，千奇唔好俾我捉到你地出貓阿下！」一把冷淡既女聲傳出
 
十分鐘已過，我仲係呆左咁望住本默書簿，再過多五分鐘到，我終於開始寫左句「環滁皆山也。其西南諸峰，林壑尤美，望之蔚然而深秀者，琅琊也。醉翁之意不在酒，只在乎雙腿之間。」

「好，夠鐘，停筆傳出黎。」



「你地依家安靜咁做自己野或者休息下先，我即刻幫你地改。」


廿分鐘後，林Ｍｉｓｓ講左句：「嗯，整體上唔錯，暫時所有人都合格。」

直到佢改最後一本既時候，我認得本簿係我既，我偷望Ｍｉｓｓ既臉色，此時既，林Ｍｉｓｓ皱住眉頭，臉色微慍。

「李晶積你同我出黎。」林Ｍｉｓｓ突然大嗌，把聲好有穿透力，嚇到我個心都離一離。



「你睇下，點解會咁咖？唔係俾左一星期時候你溫咩？」林Ｍｉｓｓ將本簿摺埋拋返俾我，我接住左。

「對唔住。」

「全班同學都做到，點解你做唔到既？」


「我果幾日身體唔舒服，溫唔到書，唔好意思呀！林Ｍｉｓｓ。」我露出一副內疚咁既樣

「算啦，你以後午膳小息都過黎我到溫書，等我好好咁督促你。」此時林Ｍｉｓｓ已經無一開始咁嬲。


 
由於我每個午膳小息都去搵林Ｍｉｓｓ背書既關係，終於係一星期後既補默取得合格成績，同時係果日既放學前班主任節時候。
 
林Ｍｉｓｓ：「好啦，各位同學又到左你地最鐘意傾既環節，旅行日已經定左落黎中三級改為露營。」之後Ｍｉｓｓ就開放俾我地討論兩星期後既旅行日事議，同學們都非常興奮，紛紛地討論。