精子is money: 第七十八章 好犀利

「鈴、鈴、鈴。」鐘聲響起，鐘聲告知同學們午膳時間到了，同學們立即放低手頭上既工作，正在等待林Ｍｉｓｓ既一句。

林Ｍｉｓｓ說：「唔洗敬禮啦，你地食飯先，記得要溫書呀！就咁啦，放學班務時間再見。」雖然林Ｍｉｓｓ為人霸氣，不過佢了解我地既想法，仲有一副天使既面孔，魔鬼既身材，令我地對佢既好感大大加分。
 

放食飯既時候，由於有大半數同學出左去食飯，剩低左唔少空位，白少添亦出左去食飯，我就行過去後面坐係某個空位，

同阿牛一齊坐一齊食飯，當然我並無坐白少添既位置，我同阿牛係帶飯食既，所以我地平時都會互相交換飯餸黎食。

「係啵阿牛，講開又講你同林舒寶上次點呀？搞唔搞得成姐？」我以非常平和既語氣問道



「嗯？你……亂講ｄ咩呀！阿積你講野細聲ｄ啦。」阿牛差少少噴曬ｄ飯出黎，


此時，阿牛既臉色非常紅潤，肢體變得不協調，阿牛不斷避開我既眼神，睇得出阿牛好尷尬。

呢個時候我叉走左阿牛一塊炒蛋，我鐘意食雞蛋，含有豐富既蛋白質，係青少年成長既必須食物。
 
「我明既。」我拍一拍阿牛膊頭然後輕拍自己心口，個嘴一邊食緊阿牛隻炒蛋一邊講。



「無呀！無呀！真係無野發生呢！」

「舒寶係一個好純潔既女仔，請你唔好誤會佢。」

「哼！仲話無野？已經叫人舒寶啦嘛？威啦，有阿嫂啦，唔識人啦依家。」我以開玩笑既語氣諷刺阿牛

「真係呢，我同佢只係普通既朋友咋。」

「哦，普通朋友。」我用一個鄙視既眼神望住阿牛
 


「哎，食飽飯訓陣飯先。」我伸一伸懶腰行返自己個座位，正想訓教既時候望到唐梓晴都係帶飯食。
 
「依，帶飯食呀？」我坐係自己個座位，用手指輕輕點唐梓晴既膊頭

「嗯。」唐梓晴擰轉左半邊身望住我

「自己整咖？」

「係呀。」

「哦，我都係呀。」其實我已經緊張都唔知自己講緊咩

「好犀利呀。」




「呃……你仲犀利啦，好啦唔阻你食飯啦。」我已經諗唔到話題同佢傾，無話題既話索性唔傾更加好。

「嗯，咁好啦，我都唔阻你休息。」唐梓晴向返前面坐

「佢真係好正阿。」我心諗，跟住趴係檯面訓教，個腦不斷咁諗返起唐梓晴岩岩既一舉一動，令我難以入眠。

 無幾耐我就訓著左，一訓就訓到放學，放學既我有少少唔舒服，好快就返到屋企沖左個熱水涼。