精子is money: 第七十七章 好消息與壞消息

唐梓晴……？呢刻佢就似一個小老師咁帶領我地讀，全班自動自覺咁跟住唐梓晴既聲音黎讀，好整齊、好順耳、好流暢。不知不覺間，唔洗林Ｍｉｓｓ帶領都已經讀曬成首醉翁亭記。

「咁樣咪唔錯囉，幾好呀！係要人逼先肯讀既？」林Ｍｉｓｓ拍曬手，下一秒……

「係啵，中文科仲未有科長，不如就咁啦，梓晴同學你黎做中文科科長啦，有無人反對？」

「三，二，一，無人反對？就咁話啦。」林Ｍｉｓｓ自言自語咁講

「拿，依家我開始解釋呢首詩既含義，如果你地有唔明既地方可以即刻問。」



林Ｍｉｓｓ：「環滁皆山也呢句解作……就係咁啦，你地明唔明？」

「無。」我地全班齊聲咁講

我望住課室上既時鐘，最後十五分鐘，愉快既中文堂快要接近尾聲。


「好，最後十五分鐘就食飯，俾你地休息下啦，係呢段休息既期間，我有一個好消息同埋壞消息要宣佈。」林Ｍｉｓｓ對住我地全班講
 
「你地想要聽好消息先定壞消息先？」



「好消息……壞消息。」兩把聲同時響起，睇黎我地班果然唔係幾齊心阿下。

「喔……咁阿，科長你揀邊個消息先？」

「林Ｍｉｓｓ好消息先，唔該曬你。」唐梓晴溫柔地說

「咁好啦，先講好消息，好消息就係……我地學校下個月中就有旅行日啦，校方暫定中三級既旅行係宿營，仲會過夜添，目的係訓練各位同學既獨立性，唔知有無邊位同學唔方便參加呢？」
 
「嘩，旅行呀？好耶！」ｄ同學激動到拍曬手



「咁我地果日應該帶ｄ咩去玩？買ｄ咩食好？可以著咩衫去？」男女同學已經紛紛地討論旅行日既事議。


「Ｍｉｓｓ，咁壞消息呢？」全班同學已經沉醉係旅行日，只有我察覺左真相。

「咳咳，安靜曬先，壞消息就係……星期五要背默醉翁亨記。」

「下，唔係掛，先岩岩開學炸啵，仲要今日先教呢課……」兩把相似既女聲以高音地說，我望過去一睇，Ｏｈ　ｓｈｉｔ原來岩岩果句係大細波講，佢地仲要扁曬嘴咁既樣，望到呢幕情景既我即刻擰返轉頭。

「係囉，太快啦，Ｍｉｓｓ不如下星期先默啦……好無呀？」

「無計，我都唔想咖，我星期一，二都無堂。」林Ｍｉｓｓ好失望咁講

「唉，算啦怕左你地，就下星期三默啦，俾一個星期時間你地溫，如果咁樣都仲唔合格既話，唔合格既同學就係旅行日果日接受懲罰，要你地全日都跟住我，無得自由活動，嘿嘿！」



「哈哈，不知有幾多同學仔想跟住你全日，我亦不例外。」我心諗