精子is money: 第七十章 上堂

台上既老師終於講左一句：「好，今日既宣佈到此為止，你地可以返班房。」
 
我地排隊返班房既時候，行到轉角位我望到李右婷，咁岩李右婷又望過黎，我地四目交投，佢好尷尬咁避開我既目光，其他班同學見到亦開始討論我地，睇黎上星期捐精救人既事已經傳到全校都知。
 
入到班房，我坐返自己個位，望一望今日既時間表，唉，數學堂，科學堂真係見到都驚。
 
「起立。」一名男班長大嗌，不過呢把聲咁陌生既，我望一望周圍，嘩！白少添？
 
乜唔係阿牛做班長咩，點解變左白少添做班長既？
 



「各位同學，早晨。」鄭Ｍｉｓｓ講，鄭Ｍｉｓｓ係我地既數學課老師，年齡約四十歲，無論身材、樣貌、性格都非常平凡，所以至今仍未有男朋友，係典型既老處女，

不過佢擁有一顆充滿熱誠既教學之心，只可惜佢用錯方法，換句簡單ｄ既話黎講，即係佢非常嚴格，所以同學仔都唔敢係佢課堂訓教，即使我非常討厭數字，我都同樣唔敢係佢課堂訓教。

「鄭老師早晨。」我地全班大嗌

「各位同學，請坐。」




呢個時候我偷偷望前面既女同學，唔係應該稱佢為女神先岩，女神唐梓晴既完美弓字背部，女神果然係女神阿下。
 
最重要既係女神今日無著冷衫，只係著一件白色恤衫，白色恤衫透出一條黑色Ｂｒａ帶，半個黑Ｂｒａ落入我眼簾，再望望唐梓晴既白哲頸部，我心感安慰，就係咁一條黑Ｂｒａ陪伴我上漫長既三連數學堂。
 
鈴、鈴、鈴，鐘聲響起，終於落堂啦，我即刻鬆返一口氣。
 
「各位同學再見。」
 
「再見鄭Ｍｉｓｓ。」




終於可以放小息啦，我攰到撲係張檯到，十五分鐘後，我睜開雙眼心諗：「唉！小息過完又要上科學堂啦。」

鈴，鐘聲一響起果刻，一個中年男人立即踏入我地班房，呢個就係科學堂阿Ｓｉｒ，李Ｓｉｒ。
 
李Ｓｉｒ把聲好沉，沉得黎又慢，講野又悶，我地一聽到呢個阿Ｓｉｒ講野，就好似俾人催眠咁，班房熄曬燈，係一個既寧靜又有冷氣既環境下，無幾耐全班就訓著曬，而我亦唔係例外既一個。

再當我醒返既時候，見到前面座位既唐梓晴仲係到好認真咁望緊陣，我周圍咁望，發覺周圍既同學仲訓緊教，再望下阿花，阿牛，呢兩條友仔仲未訓醒，我就呆左咁望住課室既牆角。

 
「五、四、三、二、一、零，夠鐘。」我目不轉睛咁望實掛係課室既牆上既時鐘
 
每分每秒咁過。，鈴、鈴，落課既鐘聲終於響起，終於挨完上午ｄ堂，真係好攰。
 
「夠鐘食飯啦喂。」我大嗌


 
周圍既同學仔一個個咁起身，李Ｓｉｒ見到呢幕情景無再多講，無講再見就直接行出課室。

一到食飯時間，我地班非常熱鬧，三十幾人係到傾計，全場一片喧嘩聲。