精子is money: 第六十九章 男主角

呢個時候有一個好重要既人物入左黎，佢帶住和藹可親既笑容，佢正正就係我既老媽子，呢刻我覺得我老母已經唔再係我老母，佢揀直就係我既救世主，我既救世主阿……阿媽只有你先可以救到我。

「食ｄ水果先啦你地。」阿媽好溫柔咁對住我講，果然！世上只有媽媽好，此時此刻我心中泛起無比既溫暖，無比既感動，令到我淚水都差ｄ湧埋出黎。

我唔知咩係肉棒下出孝子，嚴師出高徒，反正我就唔會要肉棒咖啦，唔係啵搞錯左，好似係棒下出孝子，嚴師出高徒先岩，算啦！由佢，食個水果先，唔好怪我，我中文只係麻麻地。

「林先生你都食ｄ啦，好多謝曬你咁用心教導我個仔。」

「洗咩客氣。」
 


食完水果後，我又要拎起本筆記溫習，學習對我黎講係一件好苦悶既事，我明白學習係需要走一段遙遠漫長既路。我溫左個幾鐘後，又再次恰眼訓，呢個時候
 
我望一望手機既時間，七點鐘晚飯時間達成，我立即拋低書本衝出大廳食晚飯，又係我同阿媽同埋林叔叔，三人晚餐，食完晚飯後，林叔叔佢條粉皮終於肯走啦。
 
我收拾心情擺返ｄ文具同埋筆記落書包，跟住去沖涼，沖完涼後就上床訓教。

臨訓前我教一教手機上既鬧鐘，聽日星期一７：００Ａｍ，又要返學，不過呢個假期好似過得好漫長咁，教好鬧鐘後就直接閉上雙眼。
 

鈴、鈴、鈴……我電話既鬧鐘響起，我睜開雙眼，望一望個時間，即刻彈起身。


 
我好快咁梳洗整理完，就係檯面上拎起一個麵包，之後就立即出門飛快咁趕去學校，我沿途一邊咬住個麵包，一邊跑過去學校。
 
「呼，岩岩好無遲到。」我鬆一口氣，滿頭大汗咁望住學校門前既姓玉強中學名牌，我踏入學校之時，操場已經有許多學生預備集合。

「嘩！你睇Ａｖ男優呀。」

「唔係囉，人地係拳王黎。」

「咩野拳王？」



「下，你無睇Ｙｏｕｔｕｂｅ果條片咩，毒撚大戰三ＭＫ仔，個男主角咪呢條友囉。」我好奇咁望過去睇下，原來ｄ人係指住我講咖。

我都覺得奇怪咖啦，從我踏入學校門口既時候，唔知點解ｄ唔識既同學仔都紛紛望住我，對住我討論唔知乜野，佢地所講果ｄ野我一句都聽唔明。
 
鈴鈴鈴學校既鐘聲響起，同學們開始行返去自己班排隊，係一個陽光猛烈既早上，我地又要聽台上既老師講廢話，同樣既說話每日都要重覆講幾次，大約講左十五至廿分鐘到。