精子is money: 第七十一章 挑戰

係呢個時候一個高大白哲俊男推門走入我地班房，當呢個男人入黎我地班房既時候，周圍既女同學都尖叫，就連其他班既同學仔都行過黎我地窗口偷望，
ｄ女大嗌話：「真係好靚仔阿。」
「嘿嘿，稀客啵，究竟係咩風吹龍少你黎呀？」白少添望住高大白哲俊男講
「放學黎籃球場隻挑，不見不散。」佢望住我淡淡地留低左一句野，就瀟灑咁轉身離去，臨走既時候我見到佢望左唐梓晴一眼。
 
「藍佑龍？」我望左一眼藍佑龍無理到佢，繼續同阿牛吹水。
「喂，阿牛放學得唔得閒？放學去食林伯雲吞麵好無？」我對住阿牛講
「唔得呀，我今日要返工。」
「咁由佢啦。」
「……？」我好無奈咁望住藍佑龍，究竟發生左咩事？


「不過，岩岩果條友好似搵你啵。」
 
食完飯後又要上堂，飯氣攻心，之後果幾堂我都訓曬教，直到放學先醒。

總括而言，今日我同女神係零交流，莫講話女神啦，就連阿花都無乜點理我，阿牛今日又要返工，寶拉姐間舖又未裝修好，

就係咁我自己一個失望而歸，而中午藍佑龍果件事我早就拋諸腦後，直到星期三果日……
 
學校流傳緊一個故仔就係校草藍佑龍挑戰ａｖ男優四眼積之位，星期一放學既籃球場之戰，男優四眼積選擇不戰而逃，成為左男人既可恥！
 



「唉，乜野Ａｖ男優之位，佢想要既我咪俾佢囉，反正我都唔想做咩ａｖ男優，都九唔搭八既。」我聽到呢個傳聞真係唔知俾咩反應好，

我心諗藍佑龍係一個空手道黑帶四段既高手，我同佢打咪即係找死。仲有我根本唔知佢因乜解究會黎挑戰我，我又未蠢到去明知輸硬都會去送死。
 
今日第一堂就係ＰＥ堂，說實話我並唔係好鐘意ＰＥ堂，因為又要帶ＰＥ衫返學，又要去換衫褲，真好鬼麻煩，我份人好懶，唔鐘意麻煩事，不過眼見其他男同學都好興奮，我唯有假裝興奮埋一份。
 
入到更衣室後，我見到好多個３Ａ班既男仔，我諗我地班要同３Ａ班一齊上體育堂，就係咁，幾十個真漢子肉白相見。