精子is money: 第六十一章　見義勇為

個米八男似乎惱羞成怒咁一巴掌車落李右婷到，咁岩又我見到。我又點會俾佢咁易得呈呢？

由米八男舉掌果刻我就以我全身既力量跑向李右婷前面，眨眼間，我已經趕到李右婷既面前，以矮小既身板擋住李右婷。

呢個男人高我成個頭，佢原本打落李右婷果巴掌正以光速擊向我塊臉，好彩我眼明手快，舉高右手，用前臂擋實，我對手好短只係岩岩好夠擋住。


「喂喂，先生冷靜ｄ啦。打女人係唔岩咖，女人係要用黎錫，用黎愛護咖。」我望住眼前既米八男嘗試勸解佢

但係個男聽完我講呢句更加發曬狂咁攻擊我，我不斷閃避，不斷咁閃避……


 
由於呢個米八男咄咄逼人，縱使佢拎到小甜頭都仲不斷攻擊我，佢不斷逼我、逼我。我終於忍唔住要爆啦，我用全身既身量貫注落隻左腳，一下就踢飛左米八男，

此時米八男仍然處於半空中，不久後，聽到一聲「碰」！

我早已經預料左呢個結果，所以我選擇唔望佢呢個狼狽樣，為左保持佢身為男人既最後既尊嚴，當係我尊重佢啦……


「嘩！巴打有料！」周圍既花生友發出一聲當米八男跌落地之時，我見到有幾個男人身穿藍色制服既男人出黎禁住佢，呢套制服應該係……



「警察？」我心諗，不過呢個時候米八男已經火遮眼，佢依然用力反抗。

佢仲大嗌左聲：「啊！」米八男成身好似充滿力量咁，佢谷行肌肉，ｄ青根顯曬出黎，由於佢既身體俾人用力禁住，佢又用力反抗，所以令佢既肌肉不斷彈跳，不斷抖震。

「咪郁！先生你冷靜，我係警察。如果你唔合作，再郁既話，我就當你襲警，同時亦可以告你拒絕與警員合作。」米八男一聽到係警察就無再抵抗，佢完全放鬆自己身體。

「手足上鎖，拉佢去一二邊問話。」
 

個警察行過黎同我講左句：「先生，好多謝你既見義勇為，我地岩岩見到你，憤勇制止悍徒。」



「嗯，唔洗客氣，見義勇為呢ｄ野人人有責任，更何況呢個女仔係我識既。」

「嗯，好既明白。」警員講完呢句就無再講其他野，佢無同我講幾時去拎好市民獎，就行返去米八男果邊。

「你無事呀嘛？」我好自然咁踎低捉實李右婷雙手問佢


米八男已經俾警察拖到遠處問話，佢回頭望左我同李右婷一眼，佢既眼神佈滿血絲，呢雙眼充滿冤屈，我心心咁深受到佢既哀怨，

我對住米八男，伸一伸條舌出黎，奶一奶我上唇，果效奏效，我呢個微微既動作，嚇到米八男即刻拎返轉頭，乖乖咁向警察招供。