精子is money: 第六十章　霸氣盡失

無幾耐阿花行過黎，佢雙手扶住周邊，夾實下體，對腳跛下跛下，身體好唔自然咁行過黎。
 
「做咩事呀你，唔通你俾人強……」我見到即刻衝上前好緊張咁問佢，不過仲未講完呢句阿花就反駁我。
 
「強你死人頭咩，又想亂噏Ｄ乜野呀？我只係到屙到虛脫，無力行姐。」
 
「哦，咁你仲行唔行？洗唔洗送你返屋企先？」
「唔洗，無事。繼續啦，我都好耐無黎旺街行過啦。」
「嗯，咁依家行邊先？我唔熟呢到。」
「ｕｍ，不如行返出大街先，我諗愈多人流愈多既地方賣既野應該會較好。」阿花好認真咁講


 
 
走到大街上，有個男人係到吶喊：「喂，靚仔靚女埋黎睇埋黎揀，五十精件，五十精件，一百精三件，真係好抵。」呢把聲好刺耳，嚇到我即刻調頭走。
 
「唔係呢邊呀喂，走錯啦你，係呢到呀，快Ｄ啦。」不知不覺間，阿花已經行左係我前面，佢回頭對住我揮手。我抬頭望左眼阿花既位置，有一間中型商場。
 
我加大腳步行向阿花既位置，從我踏入商場既門口就清楚感受到有陣涼意。

「嘩，爽阿，呢間商場既氣無得彈，炎炎夏日緊係要入商場嘆冷氣啦。」
「呀，唔得，個肚又開始痛啦，四眼積你自己行住先啦。」


「好啦。」我應完阿花之後佢就急急腳咁周圍搵廁所。

就係咁，我自己一個人漫無目的咁周圍行，我係商場入面搵左好幾間都睇唔岩，直到我上左２樓，第一間舖頭係專賣男裝，我抱住隨便睇既心情入去望下。
「嗯，又唔錯啵，Ｄ男裝衫褲都幾岩我心水。」我對住手上渣住既衫自言自語咁講。
「喂！你依家咁樣即係點撚樣先，搞撚錯呀你。」有把好粗暴既男人聲係舖中傳出。
 
「巴打你咁樣係唔岩咖啵，唔可以咁做。」一個正義既毒撚嘗試前去阻止
「唉，你唔好煩我啦。」
「你真係唔得咁咖呢，我報警咖。」
「屌，死開啦！」個把聲男人好激動


我跟住聲音既源頭行過去，一行到過去就睇有個身高約米八既高大男人，佢推跌左一個矮毒撚。我諗呢個毒撚就係岩岩果個正義撚，而呢個米八男應該就應該係岩岩果個激動友。
「小姐你無事呀嘛？」個毒撚向女店員講。
我好佩服呢個毒撚，即使個毒撚跌低左都仲可以完全無視左個高大男人，令到個男人霸氣盡失。
「李右婷？你點解會係到既。」我望住左踎係地下既李右婷講