精子is money: 第六十二章 莫名奇妙當上師父

「係啵，你可唔可以話俾我知發生左咩事？」其實我到呢刻都仲未知發生咩事。
 
「我好感激你救左我，不過麻煩請你……你走啦，我仲有野要做呀。」李右婷避開我既眼神，用冷淡既聲音回答我。
 
「我，我可以話俾你知，不過你……可唔可以教我，你岩岩果下飛腳點做呀？真係好有型呀。」我回頭一望，認唔出係邊個答我。
 
「我係到，你低頭望下。」
 
「嘩。」我一望乜又係呢個正義既毒撚呀？
 


「好多謝你救左我，不過麻煩請你放手，我仲有野要做，真係唔好意思。」李右婷向我講
 
「哦，唔好意思。」聽到呢句我自然鬆開雙手
 
「咁其實發生左咩事？」我問個正義毒撚
 
「其實件事大約係咁既，拿岩岩果位先生睇岩左一件衫，就問呢位小姐有咩付費方法，呢位小姐就話咩付費功能都有，之後個先生就想叫呢位小姐幫佢含……」個毒撚愈講愈奮勇，仲想講落去。
「得。大約明，唔洗講落去啦。」我見到李右婷個耳根愈黎愈紅，非常尷尬咁。
「咁你係咪可以教我點樣踢果腳啦？」
「哦，無咩問題，好簡單姐，用全力伸隻腳出去，咁就係咖啦。」


「明白啦，原來係咁簡單既，不過點解我覺得好似講完都唔多明咁既？」
「無咩野姐，好正常。你仲需要少少時間消化下姐，最緊要練多ｄ咁就得啦。」
「好既，師父。」
 
「嗯。」我係咁依望左佢幾眼，其實我都唔知呢條毒撚係乜誰，三唔識七既。講返佢個樣先，係正宗既毒撚樣，再加上瘦削既身材，身高同我差唔多，約１６０到，帶住一副黑框眼鏡。
「李右婷，其實我黎只係想買幾套衫，依家興點樣著？」
「無問題呀，我依家拎俾你睇下。」一聽到買衫，李右婷個樣就精神百倍，把聲由冷淡變到好熱情。
「拿，呢件呢件同埋呢件都唔錯，今年幾興，好多人都咁樣著。」半分鐘後，李右婷拎左幾件唔同既恤衫俾我。跟住就開始發揮佢既Ｓａｌｅｓ技巧，向我不斷游說呢幾件衫有咩特色，有咩咁好。
 
「呢幾件衫都係用麻質製成，麻質係夏天著既話都唔會熱，而恤衫就大方得體，我覺得男仔著恤衫好迷人。」，



「麻質？咁咪會好易皺囉？」
「唔會咖，呢款，舒適又稱身，仲唔易皺添，就算真係皺左既話都好易燙。」
「我屋企無燙斗啵，咁係咪皺左你幫我燙先。」我笑住對李右婷講
李右婷猶豫左成一分鐘，之後答左我一聲：「好」
我打開件褶起左既恤衫睇下：「短恤衫？咁咪會好怪囉。」
「你不如去更衣室試下先啦，真係唔錯咖，１Ｄ都唔怪，反而我仲覺得好適合你。」