精子is money: 第五十五章 琉璃歡笑

全場鴉雀無聲，有句話叫暴風雨前夕愈係寧靜既，愈就愈係覆雨翻雲，隨住餐廳漸弱既燈光，阿花採取主動，正要大打出手既時候。
 
一個中年女人行過黎阻止左呢場戰爭，佢溫柔咁講左句：「小露你又唔記得左媽媽我點樣教你啦？記得要溫柔對待客人阿，你唔單止要對於哥哥溫柔，仲要對待姐姐溫柔ｄ先得咖嘛。」
 
一聲「哼！我先唔要。」傳出，佢地同時發聲，佢地真係好默契。
 
「先生小姐，真係唔好意思阿，對於今次既罵戰，我會作出合理既補償，拎住呢張Ｖｉｐ貴賓卡係我地餐廳就可以以五折價錢享用我地既服務。我心諗呢間舖終於有返個正常人啦
 
「先生小姐，真係唔好意思，如果有咩需要可以再搵我。」之後個女人遞左張ＶＩＰ卡俾我同阿花各一張。



「小露快ｄ走啦。」第三個由頭到尾無出過聲既女僕少女細細聲咁講，之後佢扯住小露件衫行走。

「係囉係囉，阿花算啦。叫野食先啦。」我都補多句。
 
我打開菜單一睇，菜單上面寫滿密密麻麻既菜名，每個菜名都非常新穎，所有都
 
係我完全係未睇過既名。不過每款野食都係無簡介，而且個菜單一張食物既圖片
 
都無，唔通真係要俾食客一個驚喜？洗唔洗咁神秘呀？
 


由於我肚餓到一個點，我已經無任何猶豫既決擇，直接叫一個女僕侍應，呢個女僕侍應無論個樣定係身材都無岩岩頭先果三個少女咁靚或者咁好，只係屬於一般既貨色，唔高，樣又唔出眾。

算啦我已經餓到唔想望個侍應，事但咁亂揀左一個餐名叫琉璃歡笑既菜色。
 
琉璃歡笑個餐同其他餐特別唔同，佢既特別之處就係，係個名既隔黎寫住一隻紅色既細細地注字，同埋標明話會食到標眼水，好啦就試下你係咪咁鬼堅先。

「我諗好啦阿花，你呢？」
 
「嗯，你嗌啦，我唔想食啦。」阿花無黎神氣咁Ｈｅａ應我
「做咩o者，你搞咩阿？仲因為岩岩果個女仔既事嬲？唔洗咁嬲啵，食左野先啦，呢餐五折左好抵，最多今餐我請你啦，食完同你去行街。」我嘗試開解下阿花



「唔係呀，我都唔餓。」

「唔係呢，唔食野唔得咖啵，對身體唔好咖。」我好長氣咁講

「乜你咁煩咖，嘈住曬！我個身體本來都唔舒服啦，腳又扭親，家陣你又嘈生曬，搞到我乜ｍｏｏｄ，仲邊有心情食得落，你俾我靜下好無。你咁多野講係咪即係唔餓啦？究竟食唔食咖？唔食咁走咖啦？」

「唔係，食……緊係食啦，咁好啦。」

「唔該，我要一個琉璃歡笑餐，呢個餐係咪有餐飲跟咖？」我望住女僕侍應講