精子is money: 第五十四章 清一色全男班

「喂阿花，做咩唔出聲呀？唔似你啵，平時鬼殺咁嘈咖，係咪真係咁痛呀？。」我望住阿花講阿花依然無出聲，佢望左我一眼，再用不肖既眼神望左幾眼果三個女僕少女。
 
呢刻唔知點解覺得自己真係好無辜囉，我根本都唔識呢幾個女仔既，諗入一層其實又關阿花咩事呢？人地只係禮貌上叫我做哥哥又唔係叫佢做哥哥，洗咩咁樣。
 
良久，終於有人發出一句說話，係一把清脆優雅既女聲，我望一望，原來係小露打破左呢個默局。


小露主動開口並伸出左手，講左句「呢位小姐你好，呢個係我哥哥，麻煩你可唔可以坐遠少少。」

「下，坐得好遠啦啵，已經成張檯既距離。」



「唔得，我唔鐘意你。」小露好直接咁講，

「超，你邊位呀？戀兄控？不過講開又講四眼積都無妹既，你想做假想少女？」


一路睇緊Ｍｅａｕ既我，察覺到唔多對路，我望左眼ＦＦ係我阿妹既少女，再望一望阿花，佢地兩個雙目互啤，難掩目中怒火。

成場有陣好重既火藥味，瞬時間，餐廳既溫度都提高左幾度，唔通即將要發生一場驚天可泣既對決？題目叫阿花ＶＳ幻想少女！



「咁，再唔係我走囉。」阿花激動到企起身，正想轉身走人，聽到呢句我即刻拉住阿花隻手，唔俾佢走。

 
突然間，係呢個寂靜冷漠既餐廳傳黎一聲「喂，你睇女阿，正呀！」我望過去睇下，原來有個比較有自信既毒男講左呢句出黎，

無幾耐，周圍既食客開始注意到我地呢檯既，食客既視線一一轉移過黎。我完全感覺到周圍有好多對眼望過黎，我再望望真少少。
 

嘩！原來全場都係清一色全男班食客，我諗除左我呢檯既阿花係女之外，就得返間餐廳既員工係女。如果唔係有呢ｄ女員工係到，我真係會以為自己入錯左ＨｅＨｅ餐廳添呀。



由於真係有幾多檯下既食客望過黎，唔好話阿花同埋小露啦，就連我都俾班毒撚望到周身唔自然，更何況佢地係女仔，咁樣的確會大加佢地既無形壓力。

阿花同埋小露既情緒更加大起幅，呼吸令到阿花同小露既酥胸起伏，嬌喘令到佢地瑕好既身材更加浮凸，我諗用波浪形容就最為貼切啦，Ｗｏｗ波濤洶湧。

我相信周圍既毒撚呢刻都偷偷地咁睇緊佢地對波。依，原來小露都有波咖啵，真係睇唔出。