精子is money: 第五十六章 血腥瑪莉

「無錯，琉璃歡笑餐的確有指定餐飲跟，而今日既指定餐飲係血腥瑪莉，每日指定既餐飲係免費既，不過先生如果你想轉其他野飲就要加精先可以換其他飲品。」
 
「好啦，咁我就要一杯血腥瑪莉啦。」周圍聽到呢句野既毒男食客驚訝咁望過黎。佢地驚訝，佢地ｏ咀。我從佢地既眼神睇到，佢地應該估唔到我年紀輕輕竟然係一個咁有品味既男人。
 
「好既，先生你確定要Ｂｌｏｏｄｙ　Ｍａｒｙ？呢杯野唔係人人識欣賞咖啵。」

「我偷偷話你聽啦，我都飲過呢杯野，味道好怪咖。」女僕侍應細聲說

「無錯。」哼，女人果然係女人，唔識欣賞，睇我點樣飲啦。
 


「好既，咁我依家落單先。」女僕侍應原地企，從裙中拎出一部落單機，佢靈敏咁郁左幾下手指頭。
 
 
無幾耐，我從遠處就聞到一陣芳香，果然無錯。侍應棒住個盤，盤上面有一杯血腥瑪莉，以透明玻璃杯裝住，侍應小心翼翼咁放低係檯面，之後就行走左。
 
 
一杯透明玻璃杯裝上緋紅色既血腥瑪莉就係咁擺左係檯面，血腥瑪莉佢就像一個活生生既女王高高在上咁迄立係檯面，就好似有一種威嚴係到，令人唔敢去挑戰佢。
 
 
我望住呢股血色，就幻想到呢杯野係處女既落紅。好吧！我承認的確有一刻覺得呢杯野有點兒作嘔既感覺，令我又再諗返起一句識飲一定飲Ｍ血？



屌，膚淺，我不禁自嘲一下自己，唔可以咁樣侮辱呢杯高貴優雅既飲料。Ｏｈ我親愛既Ｍａｒｙ，Ｉ’ｍ　ｓｏ　ｓｏｒｒｙ，我唔應該咁樣侮辱你既。
 
我急不及待咁試上一口。「嘩！屌，咩味黎？」我呢句當然無講出黎，只係我心入面既一個小小反應。

我又點可以係公眾場合咁失禮呢？試諗一下仲要有女士在場添，我緊係要保持住自己既面子同埋尊嚴啦。

「好無飲？」阿花望住呢杯野吞左啖口水，睇黎佢對呢杯野好有興趣咁啵。

「嗯，唔錯既，味道的確幾特別既，不過有種出唔出既感覺。」



「好，拎黎試下。」

「拿！攞去，當我請你飲，飲左佢就俾個面我，唔好再嬲啦。」
 
「又幾好飲啵。」阿花一路點頭，一路繼續吸啜飲管。