精子is money: 第三十三章 狗眼看人低

聽到呢句既我，已經幻想到Ｄ畫面，條鳩都扯左扯。
 
寶拉姐見我呆左咁就補多句：「你唔好亂諗啦，我相信你唔會亂黎既，你係乖仔，我只係想搵個人陪我通宵吹下水咁姐。」唔通寶拉姐識讀心？
 
我答佢：「好啦，既然係咁我捨命陪君子啦。」

 
我望住眼前一間金碧輝煌既酒店，寫住藍際酒店簡簡單單呢四隻字，但係比我無比既震撼感，藍際酒店係藍氏集團其下既五星級酒店因為係學校成日聽Ｄ女同學
 
講藍氏集團係藍佑龍既屋企人開，而藍佑龍係我學校既校草，擁有米八高，俊俏白滑既臉孔，典型既高富帥，佢係校內無論運動，成績，家底方面都係最優勢果幾位，



係女同學夢寐以求既男神，聽講藍佑龍想要既野從來都會得到手，至今仲未失過手，我諗佢絕對唔會缺物質同女人。

 
寶拉姐：「呆咩姐，唔洗驚無精比啵，我出。」之後寶拉姐就拖住我隻手入去眼前既酒店。踏酒店大門後，酒店大門內與酒店大門外比較下，就如兩個完全不同既世界，

酒店門口有條長長既紅地毯，沿住紅地毯可直達到接待處。我就似個大鄉里咁周圍望。酒店大堂佈滿華麗既擺設，金碧閃耀既燈光，天花板擺放住各種形狀既水晶燈，

俾人一種超凡脫俗既感覺，地下每塊磁磚都乾淨到可以反光。行到入接待處後見到勁多西裝佬，ＯＬ。



個個西裝佬著到齊齊整整似模似樣，ＯＬ有Ｄ就著黑絲，有Ｄ就著肉色絲襪，個個長腿樣又見得人，睇到我嘩一聲。

周圍既人都因我果聲而望過黎，有Ｄ女就係到掩嘴偷笑，有Ｄ男既就公然討論話：「咩依家Ｄ學生當左呢到係遊樂場？」聽到呢到既我火都黎，Ｄ西裝友咁無禮貌都有，睇唔起人，有精就大曬咩真係？
 

 
「積，唔好咁嬲啦。」寶拉姐以嬌嗲既聲音，然後拖起我隻手。周圍既西裝友以熱切既眼神望實寶拉姐，佢地睇到寶拉姐拖住我隻手呢幕情景就好似想殺左我咁。
 
「我地要開間房先。」寶拉姐話，聽到呢到我心存邪念，咁咪即係爆房？呢種感覺真係太刺激啦。
 


我有Ｄ唔好意思咁：「寶拉姐，我唔識咖啵，不如我企係到等你算啦。」