精子is money: 第三十二章　汗水與酒味交雜

我從寶拉姐背面聞到佢身上有濃烈既臭味，汗水與酒味交雜。平時寶拉姐一向都接受唔到臭味，佢好注重自己既體味，每次都會噴上獨特清淡既香水。
 
寶拉姐那怕有一絲既汗味都接受唔到，我記得有次返工既時候，因為放完學好熱，我成身有陣汗味，寶拉姐叫我沖完涼換埋衫先好黎返工，仲送左枝止汗劑俾
 
我，所以我每次返工前都會噴上止汗劑。睇黎寶拉姐真係好唔開心，飲左好多酒咁，酒味完全蓋過香水既味道。
 
寶拉姐一路嘔一路喊，我手上既紙巾好快就俾佢用完，所以我決定去便利店買包紙巾，順手買包香口膠俾佢，廢事佢一間講野果時有怪味啦。
 

我望住佢講：「寶拉姐你係到等我，唔好行開，我入去買Ｄ野好快就返黎。」寶拉姐神智不清咁點頭回應。


 
我買完出到黎佢已經嘔完，我直接遞左包薄荷香口膠同埋紙巾俾佢，佢放左兩粒薄荷香口膠落口，一路食住一路抹眼淚，

薄荷味香口膠好似真係令佢清醒左，佢停止左淚水，開始向我解釋自己點解會咁。

 
「其實自從我離婚之後，就無再鐘意其他男人，而我身心一直好空虛，好想搵人填補下，但係一直都無合適既男人鐘意我，個個都介意我係離過婚又有女既女人，

直到呢個男人既出現。佢不斷咁追求我，我最初都一直拒絕佢，後黎慢慢俾佢既真誠打動。我曾經有問過佢介唔介意我係有離過婚，仲要係有女既女人，



個男人同我講話完全唔介意。而當時既我對佢都只係抱住玩玩下既心態，後來漸漸發覺自己已經愛上左佢，就好似無左呢個男人唔掂咁，

直到今日先知道原來佢種有第二個女人，佢仲親口同我講話要同果個女人結婚，所以我地今日分左手。」
 


我一路認真咁聽，無俾意見，我知佢口中所指既男人就係上次我見到接佢收工果個高大型男，講講下寶拉姐又再次喊出黎，我輕輕掃寶拉姐背脊試圖安慰佢，

突然間寶拉姐攬住我。寶拉姐攬住我既時候，佢對波緊貼住我手臂，我手臂清楚咁感受到佢既溫暖，母愛果然係偉大。



我推開佢話：「寶拉姐你唔好咁喇。」誰不知我心入面又覺得好刺激，另一方面又覺得好對唔住林舒寶。
 
寶拉姐無啦啦講左句令我好震驚既一句：「我有Ｄ攰啦，不如我地去酒店休息下啦。」