精子is money: 第三十四章 仙女下凡

寶拉姐好認真咁講：「唔緊要啦，黎啦我教你好簡單咖，你學識左遲下咪可以帶Ｄ女去爆房囉。」

我一路跟住寶拉姐行，周圍既人都用奇怪既眼神望住我，依家已經一點鐘，咁晏先黎開房大家都知咩事啦。係寶拉姐開緊房既時候。
 

我從反光既地板望到一條紅色底褲，我眼球不禁繼續望上去，一對高踭鞋，黑色吊帶裙，米七高，個髮型咁熟既。
 
酒店職員：「楊小姐，Ｏｋ咖啦你可以上得去。」楊小姐轉身想走既時候，我望到佢個樣。
 
我：「你咪阿琪？」阿琪望左我一眼，無應到我就走左。我心入面不斷諗，唔通佢叫楊琪？個名都唔錯，不過性格冷淡左Ｄ，冷淡得黎又令人有種好想溝到手既感覺。


 
寶拉姐行過黎：「做咩？岩岩同邊個講野？搞掂啦５０５房，行啦。」
 

就係咁，我地兩人就如姊弟戀般手牽手步向升降機，我地搭過升降機去５樓，再經過一條走廊，我地兩人受盡旁人眼中異望，終於到達５０５房。入到房中，無我想像中咁豪華，只係標準既雙人房。
 
「我去沖涼先。」寶拉姐呢句令我又再次想入非非，咁我係咪應該坐係床邊等佢呢？我自言自語咁講。

 
無耐，一個只圍住浴巾既女人從浴室走出黎，而呢個女人顯然係寶拉姐。水蒸氣令到浴室變到矇矓，寶拉姐打開門的瞬間，水蒸氣就如一肢煙絲包圍住寶拉姐全身，



我望住前眼呢個情景，寶拉姐就如仙女下凡咁。寶拉姐圍住浴巾一步一步咁行黎我身處既床邊，我既心情隨住寶拉姐既腳步而緊張，寶拉姐愈行大步我個心就愈緊張，因為寶拉姐已經行到我面前。

寶拉姐：「可以開始啦。」跟住佢爬左上床，我見到佢爬上床即刻坐後Ｄ，
 
我尷尬咁講左句：「寶拉姐，唔係傾計咩。」點知我講完呢句寶拉姐個頭愈哄愈埋，我一路坐後，一路退一路退，最後差Ｄ撞到床邊，而寶拉姐塊臉緊貼住我，
 
我個心好興奮，覺得好刺激，個心跳得好快，唉，死就死啦我抱住呢個心態期待緊寶拉姐既下一步。點知寶拉姐停左，

我望住寶拉姐美目漸漸閉上「喂，寶拉姐，你冇事嘛？我試圖叫醒寶拉姐，無耐寶拉姐發出微微既呼吸聲。



 

「喂，下，咁都有訓著左？」我自言自語咁講，呢個時候我聞到寶拉姐身上既香味，情不自禁地偷偷錫左寶拉姐塊臉一啖，然後將寶拉姐平放係床上，

我就訓佢隔黎背對背。由於今日太過操勞，我都有倦意，慢慢就進入夢鄉。