精子is money: 第三十一章 半夜來電的哭泣

返到屋企既我大嗌：「呀媽我返黎啦。」
 
阿媽問我：「阿仔，食左野未呀你？洗唔洗翻熱Ｄ餸俾你？」
 
我：「唔洗啦，我係出面食左野，我沖涼先。」
 
阿媽：「少Ｄ係出面食野嘛，屋企都有得食。係啵，林叔叔聽日又黎啦。」我隨便哦左一聲，然後去左沖涼。


 


林叔叔其實係一個政府派黎援助我地既職員，從我六歲果年佢就開始出現，每半年黎一次，主要係黎幫我補習同埋順手俾Ｄ精子我媽，

係十二歲果年佢不知不覺間榮升做林叔叔。依家我諗都知咩事既，我一邊沖涼一邊回憶往事。沖完涼既我，吹乾左頭髮就有睡意，無耐我就上床恰著左，

直到半夜我手機竟然響起，我瞇住雙眼迷迷糊糊咁接聽左電話，電話中既女聲係到哭泣……
 
「好，就係果到等，我依家即刻出黎。」我掛斷通話，手機上顯示１２：３０ＡＭ已接聽寶拉姐通話次數為（１）。


 


我隨手係衣櫃到拎左件衫褲出黎，光速咁換上左件衫，梳理完頭髮，刷埋個靚牙就飛快地出門。
 
落到街，沿住一條直路行左大約廿分鐘，路途上竟然一個人都無，我背後仲周不傳黎陣陣既寒風，令我我毛骨悚然，俾我一種好恐怖既感覺。

一路行既時候已經多次想回頭返屋企，不過又諗起寶拉姐平時待我不薄，如今佢唔開心我緊係要去安慰佢。


 
我終於到左約定地點，我望極周圍都無人，突然有隻手拍我膊頭，我回頭一望，無人既。嚇到我毛管戙，個心寒左寒，手不自覺咁抖震。
 


當我俯望地下既時候，見到一個女人既身影，原來寶拉姐蹲左係地下，我輕輕力咁拍佢背脊講：「嚇死我咩！唔好咁玩我啦。」

我一拍佢果下，寶拉姐無啦啦喉嚨傳出怪聲，跟手就嘔左出黎，一聲嘩啦嘩啦嘔到成地都係，我望住地下既嘔吐物覺得好嘔心，

我從褲袋拎出一包紙巾，小心翼翼咁幫寶拉姐抹嘴，心諗住千奇唔好掂到佢Ｄ嘔吐物，那怕是絲毫既嘔吐物都唔希望自己雙手佔到。