真人真事改篇﹕師生戀﹕《最接近的陌生距離》: 第六十七章之一

真⋯⋯係⋯⋯真係蟲蟲？我盯住喺「家樂坊」方向嘅背影，見到搖曳中嘅馬尾，腦中嘅回憶慢慢被喚醒。
 
「⋯⋯唔好走呀⋯⋯我真係怕黑架！我冇呃你架！」
 
「⋯⋯咬一啖呀！你睇下⋯⋯我都係真實架！」
 
「⋯⋯哎吔⋯⋯突然好想食啲好香口好脆口嘅嘢添！」
 
「⋯⋯我只係想喺呢一分鐘，可以做你女朋友⋯⋯」
 




「⋯⋯就只係呢一分鐘，可以嗎⋯⋯」
 
一滴小水滴落喺我心湖入面，泛起陣陣漣漪。我控制唔住內心嘅感覺，一步步行去「家樂坊」⋯⋯我⋯⋯我做緊咩呢，我好想知道嗰個女仔係咪蟲蟲？
 
定係⋯⋯想知道佢同緊咩人一齊？
 
男朋友？⋯⋯屌！關我咩事啫！但係⋯⋯我就係⋯⋯好想知！
 
當我去到「家樂坊」時，已經見唔到嗰個好似「蟲蟲」嘅女仔。不過頭先聽到佢想食「又香又脆嘅嘢」⋯⋯小食店！「家樂坊」對面嗰間！
 




我行返去對面時，都係搵唔到嗰個疑似蟲蟲嘅女仔。按佢性格，佢咁鍾意掃街，咁佢一定會源住條街一路行。所以我向「好景」方向行。終於，喺擾攘嘅人群中，我慢慢搵返個疑似蟲蟲嘅女仔。
 
個女仔背住我，佢嘅髮型係同蟲蟲一模一樣。喺陽光照射下，個女仔嘅髮色係紅紅啡啡咁，髮尾攣攣地⋯⋯真係同蟲蟲一樣！同佢行緊嘅係一個身形同我一樣高大嘅男仔！呢一刻，我個心唔多舒服⋯⋯咩事呀？我唔舒服到唔敢再行上前去望清楚、了解清楚個女仔係咪蟲蟲！身邊個男仔係咪佢男朋友！
 
我唔敢行⋯⋯唔敢望⋯⋯我呆呆咁企喺街度，嘆咗一口氣：「唉⋯⋯嗯？」我嘆完呢一口氣後，電話又響：「家姐？」
 
「謝子匡，買齊嘢返屋企未呀？」
 
「買齊啦，謝子榆，準備返嚟啦。」
 




「喂！唔好返嚟住。油麻地廟街有檔打冷好正架。爸爸好鍾意食，你買完早啲返呀！等你開飯呀。」
 
「得啦。bye。」收咗線之後，我回望返嗰個疑似蟲蟲嘅女仔，佢同身邊嘅男性朋友已消失喺人群中。呢個時候，我先知道內心嘅不安到底係咩——失落感。
 
我好似被人搶走咗啲好重要嘅嘢⋯⋯
 
 
= = = =
 
 
「新記打冷⋯⋯哇⋯⋯屌⋯⋯」我離遠望到咁長嘅人龍已經屌晒出聲。望下錶已經五半，七點要開飯，排得嚟分分鐘都要一個鐘！遲返去搞到遲開飯就會被老豆打到仆街。
 
等緊買打冷又冇嘢好做時就Whatapps下Miss先。
 
「盈盈豬，你響度做緊咩呀？😌」我加多張自拍畀佢。




 
過咗一陣，就叮一聲，收到佢嘅Whatapps。佢都自拍咗一張相畀我，佢而家坐緊巴士。但對眼又紅又腫，睇嚟喊過嚟！
 
「做咩事呀？你冇事啊嘛？好地地做咩事喊呀？」
 
「我冇事⋯⋯剛剛探完媽咪⋯⋯」
 
「嗯。」我⋯⋯真係唔知可以講啲咩好。
 
「次次都係咁架啦，一探佢就被佢鬧到狗血淋頭⋯⋯我冇嘢啦。其實好過之前啦，起碼今次冇打我先😅」
 
「真係冇事？我放心唔落🙃」
 
「係呀。冇事啦😌唔洗擔心我呀👌🏻」
 




「不如我嚟陪你呀😔」
 
「唔得😡冬大過年呀😉而且我想一個人靜下🥲」
 
「嗯，好啦😔」
 
「你做咩要咁「😔」樣喎？」
 
「你知架？你一喊我就難過😔」
 
「知你錫我啦😫咁⋯⋯我要點做你先開心返？錫錫好唔好😘😘」
 
「你都唔喺我身邊，錫空氣咩？」
 
「咁樣⋯⋯」




 
然後我見到Miss 個Whatapps 出現「輸入中⋯⋯」提示。但隔咗成分鐘佢都冇send嘢嚟，到底佢係打完又刪定係句嘢太長呢？一分鐘後，我手機一響一震，一開個whatapps我即刻差啲嚇到叫咗出聲！
 
「咁樣得未呀😳」
 
Miss呢一句下面仲加多張相！係佢嘅自拍——
 
 
.
 
Miss高炒自己，剩係影到個嘴，拉開自己件衫，影自己條波罅呀！Miss仲要咬唇添呀！根本就引人犯罪！痴線！竟然⋯⋯竟然喺公眾地方⋯⋯？！
 
.
 
「嘩——！🥶😰😨盈盈你搭緊巴士喎！🥶😰😨」




 
「係呀！架車都冇人嘅！嘻——！😆」Miss而家一定笑緊我。
 
叮——！一聲，又收到佢張相！
 
今次佢拉高自己條裙，露大髀影自己對長腿！
 
頂你！又玩腳，我忍唔住啦！哎呀⋯⋯變緊「石頭」添！
 
「點呀！你放心未呀？我真係冇事啦！😅😅」
 
「咦🤨🧐」
 
「做咩呀😀」
 
「如果我話未放心，係咪繼續有相睇架😝」
 
「係架🙂但你以後唔洗旨意再掂我😀」
 
「好啦，咁我放心啦😀」
 
「哈哈⋯⋯🤣你今日做乖仔陪爸爸媽媽啦。屋企人最重要架！知唔知😌」
 
我望到呢一句即時明白咗Miss點解唔想我陪佢。Miss好想我珍惜屋企人，特別屋企人人齊嘅時候。
 
「知道，我聽晒Miss Wong話👩🏼‍🏫」
 
「嘻嘻⋯⋯乖仔😘」
 
叮——！Miss再send一張自拍嚟，今次佢抹乾晒眼淚，好開心笑，好似想我放心咁。我同Miss喺開心愉快嘅氣氛下結束。