真人真事改篇﹕師生戀﹕《最接近的陌生距離》: 第四十四章之四
我同蟲蟲間學校就係九龍嗰邊。蟲蟲話佢今日要九點前返喺筲箕灣嘅家舍，想搵個就近佢家舍嘅地方食嘢。所以我就陪佢過緊去對面海。係好唔就腳嘅，但今日同Miss發生嘅事令我好唔開心，好想有人陪下。所以幾唔就腳都同蟲蟲去搵嘢食。
由於剛好撞正放工時間，架列車入面迫到好似沙甸魚罐頭咁。唔係比人踩就係比人撞。唔好話我呀，連蟲蟲都搞到躁躁地。
我同佢望住大家個燥樣之後，就忍唔住「噗！」一聲嘲笑一下大家。唔知幾時開始，我同成佢一對望，我地兩個就好有默契咁笑。難道係笑大家樣衰？定係——
.
我同佢之間其實係有一種無形嘅尷尬。
要用笑去掩飾呢份尷尬？
.
此時，我又回憶起初初認識蟲蟲時嘅經過。
「喂，痴線妹。」
「點呀？變態匡！」
「我呢度仲痛緊呀。」我笑笑，指住自己塊面。
蟲蟲反咗我一下白眼，就笑罵我：「你咁小氣架！仲提住！不過你嗰時真係抵打嘅！」
「女仔之家你都算最惡嗰個。」
「我呢啲生得細粒嘅女仔實被人誤會好好蝦。唔惡啲點得呀。而且⋯⋯」蟲蟲忽然難於啟齒起嚟。
「而且咩？」
「我真係比人扮瞓非禮過架。詳細係點唔講啦！總之當時我驚得濟唔敢出聲，好後悔冇好好打柒佢！」
「所以我真係唔好彩，咁都比你誤會，然後就比你打咗鑊。」
我一講完嘢，架車就「嗶嗶嗶嗶」聲咁響，準備關門開車走。點知喺遠處就有人叫：「等埋等埋！！」
我應聲一睇，見到一陣騷動。啲乘客屌晒鬼，原來係個拎行李嘅大媽想趁閂車門前衝落車！佢明顯衝緊埋去我同蟲蟲度！
「小心！」我大叫一聲，好自然攬住蟲蟲條腰，再抱落懷中。但任我再快同抱蟲蟲抱得更貼都好，嗰個大媽都係撞親蟲蟲！
「哎吔——！」蟲蟲一聲痛叫。
呢個時候車門閂埋咗，個大媽自然遷怒於我同蟲蟲度：「你兩個有冇搞錯架！搞到我落唔到車！」
呢下我慶咗，我即刻爆鳩佢：「喂！大姑你撞到人仲咁惡嘅！」
「咩呀！著校服攬頭攬頸，成何體統呀！拍拖去第二度啦，阻住我落車！」
「大姑你咪咁過份喎！你整到人在先！你應該同呢個女仔道歉呀！」
「你咁冇禮貌架！你地邊間學校？我投訴你呀！」
嘈嘈下，成個車廂嘅人都望晒過嚟。唔係話歧視，但呢啲鄉音大媽真係好野蠻！道理講唔過就開始人身攻擊！話我同蟲蟲著校服公然攬攬錫錫⋯⋯屌啦！我唔攬住蟲蟲，佢一早被大媽撞傷啦！
躁躁地，我啲粗口已經喺我喉嚨度蓄勢待發！點知蟲蟲向我叫咗聲：「阿匡。」佢就搖一搖頭，示意我唔好同大媽嘈。
大媽見地我地靜晒就特別招積，串多幾句咁講：「咩呀！冇聲出呀？頭先唔係好巴閉咩？讀屎片！」
「你——！」我忍唔住啦！
「阿姨請你自重！」蟲蟲厲佢一眼，佢人仔細細但氣勢都幾壓到人。佢繼續話：「你知唔知你已經犯咗地鐵附例啦？」
「你咪嚇我呀𡃁妹仔！」
「呢架車所有乘客都係受害人，你嘅行為已經滋擾晒成車人！仲有你件行李嘅尺寸係唔可以上車。你想比地鐵罰你5,000蚊嘅，你就繼續鬧啦。」蟲蟲拎部手機出嚟：「順手擺你上Youtube，等全香港人睇下你有幾醜！」
「你嚇我呀！」大媽突然發爛，想搶蟲蟲手機。
好彩我眼明手快，一手大力捉佢手腕，順手發洩怒氣！兇佢一聲：「喂！想搶嘢？！報警呀！」
呢個時間到咗油塘站，大媽知道原來我真係咁惡仲唔嗱嗱聲走咩。點知咁啱我地都喺呢個站落車，搞到個大媽以為我同蟲蟲繼續狙擊佢，佢發晒癲咁喺月台大鬧。仲引咗啲職員埋嚟。
「佢地兩個騷擾我呀！」大媽用「某北方地區」嘅做法——惡人先告狀！
呢個時候我同蟲蟲好有默契即刻扮唔知，扮無辜，職員嚟問我地就扮晒蟹話唔識佢，話佢頭先喺架車度突然見人就鬧，十成都拎白卡。
終於成畫面睇落就似個大媽發神經，大把職員埋去睇咩事。當然，做埋網絡紅人添啦。四周大把手機拍住佢。
「行啦！仲望。想影埋我地兩個呀？」蟲蟲見到呢個畫面就恥笑個大媽。蟲蟲真係醒目女嚟，又冷靜又機智就撚到個大媽出晒醜。
蟲蟲行唔夠幾步，就轉個頭向我望嚟，面有難色咁問：「你有冇紙巾呀？」
「你冇事呀嘛？」
「我大髀有啲赤赤痛，好似損咗。」
「埋去一邊坐低先啦。」
我帶蟲蟲去到長椅上坐低，遞咗張紙巾比佢。蟲蟲翹起右腳，令佢嘅「絕對領域」更令人注目！
啊——頂，雖然今日真係心情差，但呢一刻蟲蟲嘅姿勢真係令我暫時忘記煩惱。女人有兩個時期係特別靚，其中一個就係十六歲嘅時候。無論一個女仔佢細個幾醜都好，只要一到十六歲好好把握時機，就一下子由醜小鴨變成天鵝！
蟲蟲低頭檢查自己右髀，微啡嘅頭髮圈喺耳背上。個衰妹今日肯定比人捉，因為佢戴對好靚嘅耳環，有吊飾嗰隻。佢嘅側面嘅輪廓好分明，鼻高嘴細，原來佢唔出聲合起嘴巴時，個嘴形都好似微笑緊。
蟲蟲唔算高，但佢嘅短裙、長襪加埋個「絕對領域」就顯得佢條腿好長。再細心啲睇，裙、「絕對領域」同長襪嘅比例係「4:1:2.5」！係完美嘅「黃金比例」呀！佢條裙同長襪都係深色，更顯得佢對大髀好雪白，令「絕對領域」非常觸目。
蟲蟲右髀外側有條細長嘅傷口，滲緊血。佢邊抹邊抱怨咁講：「個大媽真係⋯⋯哎⋯⋯好痛呀！」佢瞄咗我一眼，好厭惡咁講：「你望夠未呀？咸濕佬！」
「咩⋯⋯咩呀！」我被佢嘅觀察力嚇親！
佢企起身，得戚咁講：「我隻眼咩都睇到架！拎隻手出嚟啦！」
我乖乖咁攤大手板，佢將紙巾塞返比我：「咁咸濕？罰你幫我掉咗佢！」
蟲蟲對住我翁一翁個鼻，扮下嬲咁，佢呢個樣真係——好可愛呀。
= = = = =
ar_hong_91