真人真事改篇﹕師生戀﹕《最接近的陌生距離》: 第三十四章之二

嘭——！嘭——！崩——！

我又扑爆咗個木盒仔。小息後係DT堂，今堂唔知做咩，撚埋晒呢啲九唔搭八嘅木盒仔。唉⋯⋯唔呷醋就假！嗰個李Sir都有可樂飲？叫Miss做「盈盈」？明顯佢同Miss關係唔淺啦！搞到我心情極不爽，發洩晒落DT堂度。

諗咗一陣，到底李Sir同Miss私底下會幾老友呢？佢地一定試過行街啦，會唔會好似啲女人同閏密咁手拖手？定係一齊去旅行呀？去日本？去浸溫泉？除晒衫咩都睇晒⋯⋯？

崩——？！

我又扑爆咗個盒！





「搞咩呀匡哥？」阿偉終於睇唔過眼走埋嚟。

「邊個激親你呀？」阿波都哄個頭埋嚟睇。

「唉⋯⋯冇嘢。」我輕輕嘆氣，唔想同佢地講太多。

「你同杰少搞咩？兩個都好好愁喎！」阿波。

「你愁？」我望住杰少。





「愁呀。愁冇『囡』呀。」佢講嘅『囡』係指錢。

「要『囡』嚟做咩？」我。

杰少嘆咗口氣，將螺絲批當不求人咁R背脊，話：「冬冬就生日，想買份禮物比佢囉。」

「佢想要啲咩呀？」阿偉。

「好似叫⋯⋯『B女』喎。」杰少。





「嘩，我屌！」我、阿偉同阿波三個不約而同一齊叫。

「你知我咩環境啦。老頭做地盤跌斷腳，已經洗咗筆錢。我份part time比人炒咗。我唔係買唔起『B女』呀。但仲要照顧細佬妹嘛。」

阿偉同阿波聽到哦咗聲，惟獨我不自覺唉咗聲出嚟。

我見佢地三個望埋嚟，順手呻埋：「我煩緊嘅嘢同杰少一樣！」

「吓？！Miss都想要B女咩？！」阿波好大聲咁講。

「⋯⋯」阿偉

「⋯⋯」杰少

「⋯⋯」我。然後我好冷靜咁同阿偉、杰少講：「幫我捉住佢。」





「收到。」佢地夾手夾腳一個掩住阿波個嘴，一個捉住佢。跟手我就即刻搣阿波粒肥仔Lin!

「講咁大聲你傻撚咗啊！」搣都唔夠，仲比我扭多下！

「嗚⋯⋯⋯⋯唔⋯⋯⋯！」好彩阿波被人掩咗嘴，如果唔係阿Sir實埋嚟屌我地。

阿波比我滅到標晒眼淚我先收手。

「唉⋯⋯盈盈佢想要her唔知咩手袋嘛。六位數架，就算我做鴨都送唔到啦。」喺課室講Miss啲嘢，索性叫佢匿稱應該仲安全啲。

杰少拍一拍我肩，表示I know that feel brother.。

「咁你難搞啲喎。你同你條女差咁遠。佢要嘅嘢，同你嘅能力⋯⋯嘩！想像唔到！」杰少：「⋯⋯唉⋯⋯我呢⋯⋯唉，我唔送，其他仔都會送比冬冬嘛。唔擔心就假啦。我地開始咗唔係好耐咋。」





我聽完都啞咗，係喎，我唔送手袋比Miss，佢啲追求者都會送喎！我腦入面好快就Target到邊個最有可能送嘢比Miss——李Sir！

「我屌⋯⋯」我灰到叫咗出聲：「聖誕好似就到添呀。」

「妖！」阿偉好似有啲睇唔過眼，忍唔住屌出聲。佢先指住杰少：「你！如果條女為咗隻公仔唔要你嘅。就由佢走啦！」

然後阿偉再指住我：「你！我覺得阿盈唔係啲咁膚淺嘅女人！」

阿偉每次關鍵時刻講啲嘢好當頭棒喝。不過，佢唔係局中人，又點會明白我驚啲咩呀。

「唉⋯⋯阿Sir殊我地啦，做嘢先。」

我地四兄弟散晒，各自返去自己位逗埋個19盒。咦？係喎，DT堂喎！要幫蟲蟲整返條手鏈！唉，冇拎到落嚟DT室，搞到要借尿循上課室拎返。

行出走廊時，我就聽到操場一片歡呼。我好奇去望一下，屌，原來係李Sir同啲高form師兄打1 on 1。





走籃、射波、穿針⋯⋯李Sir將球場當成自己舞台。佢每一個動作都引起哄動，魅力真係驚人。一個咁青春活力嘅運動男神會冇女朋友？我真係唔信！佢冇女朋友嘅原因都好可能只得一個——

佢鍾意Miss。

而且仲係好專一嗰隻。媾嘅階段已經唔諗其仔女仔。由細到大都深愛住Miss！

佢所有嘢都比我優勝⋯⋯唉⋯⋯算啦！唔諗！嗱嗱聲搞埋蟲蟲條手鏈先。

我拎返蟲蟲條手鏈後就返去DT室，偷偷地拎阿Sir啲零件去整。蟲蟲講過，呢條手鏈係佢婆婆留比佢嘅遺物。條手鏈又唔係啲咩名貴嘢，有啲七彩玻璃珠串住，好似某P字頭出品嘅手鏈咁。

「啲珠啞晒色喎！見係一場老友，幫多你少少啦！」搞完個扣之，我順手幫啲玻璃珠搣擦返靚佢。而家成條手鏈望落去，真係同新嘅一樣！

「靚仔晒！⋯⋯不過⋯⋯」好似爭咗啲嘢？我份人咁呢啡，條手鏈冇遮冇掩咁比我袋一日實又爛架喎！⋯⋯啊！有計！反正都係雕緊個木盒仔，索性整靚仔啲，保管住蟲蟲條手鏈呀！





有趣嘅係，當我修理好蟲蟲嘅手鏈後，我先發現心情冇咁鬱悶。

= = = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師