真人真事改篇﹕師生戀﹕《最接近的陌生距離》: 第二十八章之二

十一月。

香港嘅天氣就係咁搞笑，一踏入十一月時，冬天就唔聲唔聲咁到咗，令人渴望嘅秋天已經消失咗好多年。

我件冬季校服一早唔啱著，所以冇轉季。我頂多著返夏季校服再加多件冷衫就算。邊夠暖呀，實凍死。不過⋯⋯

「低B仔。」

呢一刻我成個人就暖返晒。





「Miss Wong 早晨。」我好有禮貌咁向Miss鞠躬。

今日Miss嚟咗我屋企樓下等我一齊返學。而更令我心暖嘅係——

「你今日嘅Lunch!」Miss向我遞咗個午餐盒，我驚喜到連多謝都唔識講。

個午餐盒好精緻，好有日系少女嘅感覺。Miss用便當布好好咁將午餐盒包住。成件事望落就好似日本戀愛動畫嘅畫面咁！

「嘩！多謝Miss！」





「一陣我幫你擺喺教員室雪櫃。Luch你落嚟拎啦。」Miss:「咁你有冇食早餐呀？」

我傻笑咗一下，就擰一擰頭。Miss秒黑面就抱怨咁講：「如果我唔買早餐比你，你係咪想餓住咁返學呀？」Miss好似一早知我唔會食早餐咁，佢已經買多咗一份早餐比我。

「哈⋯⋯哈⋯⋯我知你會買早餐比我嘛！」

「Miss講咗好多次，你一定要照顧自己呀！」佢好似阿媽咁嘮叨。

Miss講完之後就橋實我手臂一齊返學，我地好珍惜同好享受呢個短暫嘅拍拖時光。直至留意到條街多咗啲學生，我地先保持返距離。





呢個時候涼風吹埋嚟，凍到我雪雪聲。

「你唔夠衫呀？」Miss擔心咁講，然後佢除咗佢條願巾掛喺我頸上面。

嘩⋯⋯除咗暖，連條頸巾都有Miss嘅香味呀！

「校服唔夠保暖，你同學校反映下啦。」我好想同Miss纜住同一條頸巾。

Miss應該冇聽我講啲咩，只係見到佢好古惑咁笑一笑，好似諗緊啲嘢。

「低B仔，你鍾意咩色架？」Miss笑問，但好快佢又自己答返自己：「算啦，我自己留意。嘻！」

「古古怪怪咁。」我不解咁講，Miss跳皮咁向我吐一吐舌。

好快我地差唔多到學校，為免令人起疑，我將條頸巾比返Miss。我面前係一條分叉路，分別通去我間學校同隔離嘅女校。此時有個女仔企咗喺分叉路上。





一頭青春馬尾、含住珍寶珠、PE外套配唔及膝嘅校裙——蟲蟲，佢企喺分叉路口上似乎係等緊人。

蟲蟲瞄咗我一眼後，又好刻意咁擰開面。之後佢慢慢行嚟，向Miss鞠咗個躬，好有禮貌咁講：「Miss Wong早晨！」

「嗯，蟲蟲早晨啊！」

蟲蟲之後好有敵意咁瞪我一眼就「哼！」一聲咁走咗。咦？佢唔係等緊人架咩？

「屌，痴撚線。」我不忿咁講：「神咁早冇得罪佢就啤住人！」

「嘻⋯⋯！」Miss笑咗出嚟，話：「你唔洗扮嘢喎。你知佢想點架。」

「我點知呀！佢傻架！一時送嘢比我，一時整鬼我，一時摑我！我都唔知佢諗咩！」





「佢唔係特登同我講早晨，佢係⋯⋯」Miss又對住我狐狸笑：「佢其實係等緊你呀。下次到你等返人啦。」Miss又笑住咗揶揄我。

點會特登等我呀？而且等到我又唔同我打聲招呼？蟲蟲呢個女仔究竟想點呢？

= = = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師