真人真事改篇﹕師生戀﹕《最接近的陌生距離》: 第二十六章之二

「⋯⋯老師！你真係好，特登上嚟叫醒匡仔，平時真係多謝你嘅照顧⋯⋯」

我一邊刷牙，一邊偷聽佢地講緊咩。

「⋯⋯因為最近阿匡發生好多事。琴日佢受咗傷，一來擔心佢傷勢⋯⋯」

扮嘢啦，琴晚「做緊」嗰時，你見我咁勇猛就知我咩料啦！

「⋯⋯二來佢缺席都多，我擔心佢今日借啲意唔想返學。所以我一定要捉佢返學。呢一點我想搵媽咪同你傾好耐架啦！佢上學期表現太差，再缺席同埋比人記過的話，就好易留級⋯⋯」





我⋯⋯頂！呢個咩畫面嚟？女朋友向男朋友阿媽數自己男朋友罪狀？哼⋯⋯原來借啲意上黎家訪！

「⋯⋯哎吔！匡仔佢真係好令我頭痛，邊似得佢家姐啊。我同佢老豆又要搵食，睇佢唔到。真係要靠佢自律！但老師⋯⋯你都見到架啦！」

我望住呢個畫面就覺得好矛盾、好有趣。明明六個鐘頭前Miss喺呢個空間係一位嬌俏可人嘅小女人，任由我「擺佈」，但六個鐘後佢又出現喺同一間屋時，佢變返做我老師。咁樣變嚟變去唔會精神分裂架咩？！

我一邊洗面一邊聽佢地講，阿媽好似搵到個朋友咁同Miss傾咗我好多嘢⋯⋯當然講得最多都係我嘅壞話啦。而Miss就真係好專業咁好留心咁聽，好真心咁回應。有時阿媽分享到因為搵食佢關心唔到我，講到差啲想喊咁。Miss就好識去安慰媽咪。似乎Miss都幾叻輔導人。

「⋯⋯子匡媽媽，琴日嘅事你唔洗太擔心。學校有我同埋另一位老師會幫佢。今日放學我就會帶佢去備案，總之你放心啦，我一定會保護佢架！」





Miss笑一笑，緊握阿媽隻手。呢一刻我感受到Miss稍為放低老師身份，佢係用黃梓盈呢個身份去關心阿媽。我即刻暖在心頭。

「Miss, 我行得啦。」我換好晒衫企喺客廳。

「哎吔！你著好件衫啦！」阿媽仍然係好煩咁走埋嚟話我呢樣唔得嗰樣唔得，仲要喺我女朋友前咁樣講，乜面都冇晒！

Miss偷笑一下後又訓導上身，佢走埋黎檢查我嘅髮飾儀容！

「嗯！合格！」Miss滿意一笑，再同我阿媽講：「其實阿匡呢個月乖咗好多啦！清晒所有欠交嘅功課，又冇再遲到。所以媽媽你唔洗太擔心嘅！」





我沾沾自喜接住講：「哈⋯⋯梗係啦！愛情嘅魔力嘛！」

Miss聽完就皮笑肉不笑咁望住我，將「作死你呀？」呢四隻字寫喺面上。

「吓？！你幾時拍拖架？」阿媽好驚訝。

「冇⋯⋯我講緊我同阿偉唧⋯⋯哈！」我：「咁Miss,我地行喇。bye bye媽咪！」

阿媽送我同Miss出門口之後，我同Miss慢慢行去電梯大堂。期間對Miss傻笑咗一下。

「我⋯⋯真係估唔到你會上嚟架喎！」

Miss個樣有少少嬲：「我打比你叫你起身都唔醒呀！我未上嚟叫醒你囉！」

我聽到之後感覺有啲sweet，用老師身份做女朋友嘅嘢感覺實在太有趣啦！





「而家七點都未到呀！仲咁早！我平時係最後十分鐘先出門架。」

「老師要七點正返去架！」Miss望一望錶：「因為你呀，我遲到啦！」

「Sorry呀,咁你而家點算？」

「咁又唔怕嘅。我會話因為你琴日件事仲未搵到家長。我特登返學前嚟家訪。我同黎Sir講聲就得架啦。」Miss微笑：「我地行快啲啦！」

Miss一手拖住我，然後慢慢緊扣十指。剎那間我明白咗，Miss想偷少少時間可以同我拍下拖。我感動咗一下，佢講過佢雖然唔識點去愛我，但佢會首先去愛。睇嚟佢都慢慢調節緊我同佢嘅相處。

喺等𨋢嘅時候，我趁冇人，我輕輕搭住Miss膊頭，而佢亦好自然咗錫咗我塊面一啖。

我同佢都好幸福咁笑，望住落緊黎嘅電梯，我幾咁希望架𨋢唔好咁快到，或者希望架𨋢係冇人。





叮——𨋢到，好幸運係冇人。我同Miss可以有多十零秒嘅拍拖時間呀！

實在太幸福啦！

= = = = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學