真人真事改篇﹕師生戀﹕《最接近的陌生距離》: 第二十五章之二

「啊哈哈哈—！抵撚死呀！」

搞事嘅肥B雖然一口都係血，但佢冇被人制服，反而喺旁邊見到我呢個狼狽樣就笑得好開心。

「你笑咩！我要殺你！」我繼續大叫：「點解！係佢傳Miss嘅壞話！點解要咁樣對我！」

「收聲啊！」周Sir好惡咁大叫，我唔知佢用咩姿勢制服左我。但我知道係佢一定當左我係賊咁撳左喺地上面！佢大叫：「你有冇當過呢度係學校！不知所謂！公然挑戰校規！」

「你有咩資格教我！你其身不正呀！狗公周！」我啲怒火就黎燒盲我隻眼。





周Sir聽到之後都開始失去理性，竟然將我手屈咗喺背脊度，話：「你再嘈呀！我扭斷你隻手！」

周Sir慢慢加力時，我被屈嗰隻手開始有撕裂嘅痛楚：「哇——嗚——！」

「周啟泰！阿匡係學生嚟咋！佢唔係犯呀！」Miss好焦急咁叫：「即刻放開佢！」

隻狗公冇理到Miss,咬牙切齒咁講：「同我玩嘢！打咗我一打下！睇吓我今日點樣整死你！」

我聽到旁邊有老師開始議論紛紛，有啲想上前勸停，但被周狗吠開咗。





「失晒控啦！我地報警先啦！」

「Miss Wong！ 即刻call阿匡個家長！」

「唔好報警呀！啲嘉賓就黎到啦！校長唔想見到警車架！！」

「周Sir!放開個學生！因為——」

.





「——家教會啲家長到咗啦！」1

.

周Sir一聽到家長兩個字，佢應該驚咗一下，我感到佢一鬆開時，我又發癲衝去肥B度！ 不過今次，我比佢捉返住，再撳喺地！

「哈⋯⋯哈⋯⋯！」

「你笑咩！」佢扭我手腕。

「你驚家長呀？啊哈⋯⋯哈⋯⋯！」

「你試下亂嚟！手都扭斷你！」

「你放開我，我就打肥B。你撳住我，成班家長會覺得你將學生當成賊咁對待！一樣難睇架咋！哈⋯⋯哈⋯⋯！」





「你——？！」

周Sir被我激到牙癢癢，完全冇我符嘅樣真係好撚好笑呀！我嫌佢唔夠癲！於是我要令佢有咁癲得咁癲，連珠爆發咁羞辱佢！

「我冇嘢可以輸⋯⋯哈⋯⋯哈⋯我已經冇嘢可以輸啦！哈哈哈哈哈——！係你搞到我咩都輸晒呀！哈哈⋯⋯我冇嘢好輸⋯⋯哈哈⋯⋯你冇得要脅我啦！哈哈⋯⋯！我要同你攬炒啊！你恰足我一星期恰得咁開心？！」

「仆街仔——！」

佢有一下極用力！我手腕痛到我即時大叫：「阿Sir！我隻手斷啦！！」

然後我聽到一陣騷動，人群嘅議論好似潮水咁湧嚟！

我迷糊嘅視嘢望去前方，發現係一片擾攘緊嘅人群，正正係一班嚟參觀嘅家長！
= = = = =





ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師