真人真事改篇﹕師生戀﹕《最接近的陌生距離》: 第二十五章之三

「家長唔好意思！呢個學生失晒控！我控制緊佢！」周Sir少有咁慌張，咁唔冷靜咁講：「佢頭先打傷咗個學生！仲打老師呀！」

呢條狗公EQ咁低，睇佢都冇能力冇急智去處理而家嘅兩難局面！

蝦我蝦得咁爽？以為自己大撚晒？我而家就過你收你呀！

「唔得啦⋯⋯我隻手⋯⋯我隻手呀！！」我隱約見到有家長拎咗手機出黎拍片，我仲特登對鏡頭做咗個慘樣出黎：「斷啦！真係斷啦！救命呀！」

「放開個細路啦！痴線架咩！」





「咩學校黎架！有啲咁嘅老師嘅？」

班家長開始議論。

但因為太痛，開始我唔太聽到佢地講咩。只係聽到Miss好焦急咁叫周Sir放手。

Miss見周Sir聽唔入耳，就上前嘗試拉開我同周Sir。點知周Sir鬧咗一句：「唔關你事！」

佢一手推開咗Miss! Miss失咗平衡，就跌咗喺地上面！





「哎——！」

「死狗公！」我大叫！

當然周Sir已經咩都唔理。旁邊嘅老師都覺得周Sir連同事都咁粗暴對待，佢地都唔敢上前，剩係不斷口頭勸告！其中一位老師亦扶返起Miss。

「你呢個學生不知所謂！你做埋啲唔見得光嘅嘢！」周Sir似乎都想攬炒。

「你呢！你又有咩資格鬧我？」我痛到流晒眼淚：「你食女食埋隔離女校嘅Miss呀！」





我好似隱約聽到在場嘅人「嘩」左一醒。

「你好同我收聲呀！」周sir:「唔好亂講！」

我不斷爭扎緊，一雙淚目望住Miss吶喊出我嘅冤屈：「收咩聲！你先唔見得光啊！我光明正大過你呀！我冇呃冇偷冇搶！我冇欠任何人！我光明正大咁真心愛一個人！我冇做錯！」

此時，我留意到Miss的表情有微妙的變化。

我停一停，再望住一班圍觀嘅人講：「但係你唔同！你唔見得光！你個個星期都去酒吧同爆房！你同隔離女校個Miss玩3p嘛！一前一後咁夾住個Miss黎屌呀嘛！你鍾意執屍！你搞到人地墮胎！你搞散人地家庭！你搞人地個女朋友！你有老婆架！有仔女架！你個人渣！！人渣！！你唔係老師！你唔係人！你狗都不如！死狗公！死！狗！————公！！！！」

周遭即時嘩聲四起！

我將呢星期以黎被佢欺負嘅情緒全數爆發！！唔係⋯⋯我愈鬧就愈記起Miss被人羞辱嘅畫面！！所有針對Miss嘅流言蜚語響喺我耳邊！！所有嘢都因為呢隻狗公！我要狠狠咁教訓呢個敗煩！！

打又打唔過你。





我又冇權力！

我可以與之一戰嘅，真係得返把口咋！

好！如今之計我就同你玩泥漿摔角！我嘅觀眾都到齊晒啦！咁我就有咁核突玩到咁核突！

= = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師