真人真事改篇﹕師生戀﹕《最接近的陌生距離》: 第二十二章之四

見佢發癲，我就放心。

權唔夠你玩，打唔夠你打。但人心係肉造。你自揭底牌你鍾意Miss，你又知道我同Miss嘅關係，我梗係當你情敵咁打啦。

我同佢而家仇人對望咁，我心入面有好多好多說話要同佢講——「係呀。你最想對Miss做嘅嘢，嘴、摷、攬我做緊添啦。我上埋佢屋企添呀！你鍾意嘅女人成身都比我睇過晒呀！！如果唔係嗰晚冇套？我上埋你個女神仲得添呀！」由佢眼神可以知，佢意會到我心入面呢句說話。所以佢而家嘅樣真係仲難睇過食屎。

我好得戚咁望住周Sir, 我心目中有一陣難以言喻嘅爽快！簡直為琴日嘅事出左一口氣！亦為Miss報咗仇！

「鍾副校，咁即係其實周Sir冇實際證據指攬住Miss嘅人就係我喎！」我扮晒委屈咁講：「你知架，琴日咩事啦！佢仲打我兩巴添呀！嗚哇——！！」



.

「扮慘搏同情。你係學生，有光環呀！」

.

偉神，呢一刻嘅眼淚，我因為感激你而流架！

「嗚⋯⋯嗚⋯我被人打都冇人理！今日我想做乖仔又冇人理！」我直接趴喺枱度喊：「一返黎就屈我同Miss有嘢！有冇咁過份呀！哇嗚⋯⋯哇⋯⋯！！」



Miss輕輕拍左我肩膀一下，可能連佢都呃埋。

「Miss啊！我好慘啊！全世界都蝦我！」我望過去時，細細咁打左個眼色。就見到Miss表情有一絲微妙變化，佢應該知我扮緊嘢。

「我比周Sir踢左出籃球隊！Miss比人拍裙底，我想幫Miss之嘛！我搞到比人打都算！仲要記我小過！你地係咪真係咁想整死我呀！」扮扮下，我吐左啲冤屈出黎，我慢慢分唔到啲眼淚係真定假。

但講到呢度，我聽到另一把喊聲，我見到Miss都飲泣緊，Miss應該真係喊。

呢個時候我就火起，指住周Sir鬧：「周啟泰！你有證據就拎出黎！唔好喺度公報私仇呀！」



「我冇公報私仇。嗰日我見到嘅人就係你！」

「證據呀死差佬！媾唔到Miss就賴我？！」

「你企起身！我見到嘅人同你身形一樣架！」周Sir:「仲有你對鞋呀！同行山嗰日一樣架！！」

「咩鞋呀？」我將成隻腳放左上枱：「皮鞋行到山架咩！」

「你——！」周Sir轉個頭就同副校長講：「係佢地架啦！佢地關係唔見得光！炒左Miss Wong先啦！」

「副校長，相都冇張喎！」我又喊晒咁講：「你地琴日想煮死左我都算啦。今日仲想整死埋Miss呀?」

「周Sir。」副校長有啲唔耐煩咁講：「係你話你有十足嘅把握令佢地招供。但我睇唔到佢地有咩唔妥。除非你有實質證據啦，咁我就可以懲處Miss Wong同謝同學。學。周Sir，希望你明白，我啲時間非常寶貴。」

佢有就係有方法令我地招供，不過就比我撚狗撚到燥，自亂陣腳。佢一發癲嗰下，副校長已唔信佢。



周Sir個樣好不忿，向副校長點一點頭後，就慢慢坐返低對住我講：「我實查出黎架。」

「收皮啦你。」我唇形回敬。

= = = = 

ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師