真人真事改篇﹕師生戀﹕《最接近的陌生距離》: 第二十一章之二

嘭——！

我被周Sir好力推埋牆！膊頭傳嚟一陣痛楚！我積壓在全日嘅怒火，我就黎忍唔住啦！

「死狗公！！」我衝埋去周Sir度。

「係咪打呀？！」佢用力將我撳返埋牆：「你郁我就兩個大過走唔甩。仲有呀——」

佢喺衣袋度潛左個卡片皮套出黎，兜嘢拍落我塊面！佢好囂張咁話：「你知唔知呢個係咩呀？」





我定睛望左一眼，屌 你，係委任證！？

「死假狗，剩係識對學生Show證！」

「唔順氣？打我呀！」佢隻臭手拍落我塊面，逐個字咁講：「係咪想襲警呀！」

記大過我唔驚。但講到襲警係刑事，即使我再嬲，我都唔敢真係郁佢，我只可以好嬲咁望住佢嗰個得戚樣。

「頭先好撚巴閉喎！」佢大大力星左我一巴：「唔出聲嘅！」





「問你呀！屌 你老 母！」周Sir反手再星一巴！

襲警就襲警啦！

但當我想還手時，有人走左入黎訓導室，我見到一個同樣高大嘅身影。然後我聽到有把男人聲講：「周Sir, 學生個情緒唔穩定，其實而家做唔到啲咩。不如等我黎。」

講野咁長氣，一聽就知係黎Sir。想玩Good Cop Bad Cop?

「冇你嘅事！」周Sir:「呢個學生嚴重違規！要訓導主任親自處理。輔導組行埋一邊！黎Sir你幫我準備好呢個學生嘅行為紀錄！」





黎Sir無何奈何咁走左，而我就被佢喝令企喺牆角：「企直啲！」

過左一陣，黎Sir準備左我啲資料交左比周Sir.後就出返去。

周Sir一路睇我嘅行為紀錄，一路打量住我，就冷笑咁講：「中一到而家操行都C+咁上下。主科全部唔合格，最叻嗰科係體育。其他都係差少少先合格。」

佢舉起年文件掉埋一邊，再拎一份，話：「直到而家你已經缺席左10日，平時分亦都係唔合格！」

佢用力咁以個文件掟落我身體：「你乜撚嘢學生嚟呀？讀屎片架？你老豆老母正一垃圾嚟！生咗你呢件垃圾！」

我雙眼好似有火燒住咁！但我要忍住！一郁手我說輸晒！

佢拎左將櫈，正面咁坐喺我面前：「謝子匡，你知唔知你而家係咩情況？」

我唔出聲，我唔想同呢個人講任何嘢！





「你知唔知點解我地學校可以保持到100%入U率？」周Sir一面得戚咁講：「因為我地會掃走啲唔讀書嘅垃圾！」

佢拎起其中一份文件，又話：「你連升上黎中四都係試升。你而家咁嘅情況唔洗學期尾都比學校掃走。而我啊——」

「而家送你兩個大過就可以即時同你埋單！」

我怒目而視，喺絕對嘅權力之下，我一啲反擊能力都冇！

「對師長不敬、今日你用籃球掟我、頭先用粗口鬧我。」佢將我啲「罪行」逐個數出，比出一隻又一隻嘅手指：「你仲打傷左同學，剩係呢度都夠我記你兩個大過。」

「佢地要偷拍Miss裙底呀！！」

「證據呢？啊———」周Sir笑住講：「同學部手機比你掟爛左添！咩證據都冇晒。」





「咁記你就記啦！」

「唔係吓話。」佢輕輕坐前個身：「你咁想被學校掃走？咁Miss Wong點算呀？」

我嚇左一跳，佢亦坐起身慢慢走嚟，以一個勝利者嘅姿態笑住咁講：「你走左就冇得日日見你最鍾意嘅人喎。」

「你講咩呀！」

「你仲想扮嘢？！」周Sir走埋黎，喺我耳邊細細講：「你對鞋出賣左你。我一早知——」

.
.

「——你就係星期六嗰個弱智表弟！」





.
.

我敢怒不敢言咁瞪死佢！

雖然咁樣被人威脅我會好嬲，但係⋯⋯冷靜——冷靜！我記起Miss估計周Sir應該冇實質證據去證明我地嘅關係，所以唔好自亂陣腳！

「一對鞋可以證明到啲咩？咪屈得就屈！」

「我要查就一定查到。」周Sir:「你同Miss Wong唔見得光！」

「要查？即係冇相啦？咪吹水喎。」

周Sir表情有微妙變化，我應該講中左佢其實真係冇證據喺手。





周Sir被我突擊，見到佢嬲到牙癢癢咁，就拎返尾彩咁講：「咁想走呀嘛，我就成全你！」然後佢就開門對教員室叫左一聲：「黎Sir入黎！」

傻佬黎Sir好快咁入左訓導室：「係，周Sir。」

「謝子匡今日留堂。呢個學生嚴重違規，一陣放學訓導組要開特別會議。邀請埋兩位副校長同教務主任。」周Sir目不轉睛咁望住我：「我地要傾下呢個學生到底仲適唔適合留低喺度讀書。」

周Sir回望黎Sir：「即刻同我通知訓導組嘅同事。」黎Sir照周Sir說話做。

佢講完之後亦都打鐘，周Sir語帶挑釁咁話：「你唔夠我玩。放學見。」

我同佢嘅交戰暫時結束，今日真係好慘烈！

= = = = 

IG: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師