真人真事改篇﹕師生戀﹕《最接近的陌生距離》: 第二十一章之一

Lunch完左，喺訓導室外嘅我望住操場上嘅同學慢慢咁返去課室。

我覺得今日嘅時間過得特別慢，同狗公周決戰果然唔講得笑。佢擁有絕對權力，我根本冇得反擊。而家仲要被佢剝奪我上Miss堂嘅機會。

周Sir故意逐個學生見，而且見嘅時間有咁耐得咁耐，根本就想消磨我個意志。所以我就同另一位拎機偷拍Miss嘅人渣一齊罰企。

「你都幾夠膽喎。」條人渣終於出聲：「你邊度架？你咩輩份呀，夠膽郁我？」

我冇精神同佢爭論，佢繼續單機咁講：「你知唔知邊個肥B呀?」





佢見我冇出聲，就話：「我就係肥B呀！」

我一聽就忍唔住噗一聲笑出黎，話：「你都幾cute喎。戒左奶未？」

肥B一聽到我拎佢個朵黎笑，就發晒癲咁爆粗，響晒自己跟邊個邊個。我一個都聽唔入耳，嘲諷咁話：「咩年代呀你。古惑仔都落左畫十幾年啦。跟大佬⋯⋯哈哈⋯⋯冇人識你呀，人起朵，你起朵！」

「你繼續串呀！」肥B有持無恐咁講：「入面個周Sir，係我大佬嘅結拜。你走唔甩架啦！」

「吓話？」我一啲都唔在乎。





肥B見兇我唔到之後再話：「頭先搏晒老命咁款喎。又唔係你條女，咁搏命做咩？」

我聽到呢度就笑左出聲，Miss真係我條女。

「你唔係唔知嘛？全校都知嗰個女人係周Sir條女黎架啦！」肥B:「咁落力做咩？都唔輪到你啦。」

我一聽到，我即刻對肥B怒目而視！

「係咪想打呀？黎呀！頭先打得咁爽吓話？呢次我實打殘你！」





我同肥B慢行慢埋，兩個互望對峙。只需要一個引爆點，我同佢嘅肉搏就一觸即發！

「係咪打呀！」

喺劍拔弩張之時，一把聲如洪鐘嘅男人聲叫停左我地。一個狀碩嘅男人介入左我同肥B之間。又係令我討厭嘅周Sir。

「開個擂台比你地慢慢打呀！好唔好呀？」周Sir：「無視校規，不知所謂！」

周Sir氣場壓到埋黎，肥B即時收皮。

「佢影Miss裙底呀！」係我仍然未吞得落淡氣。

「你教我做嘢呀？」周Sir瞪住我，然後佢轉個頭同肥B講：「你返去上堂先，聽日先招呼你。」

我眼都突埋！





「多謝阿Sir!」肥B大笑，再對我好得戚指住我嚟講：「我實搵人覆卓呀！」

「阿Sir點解要放走佢！」我對住周Sir怒吼：「係佢錯先架！佢想對Miss⋯⋯」

「唔順氣呀？！」周Sir直接用說話打斷我：「我鍾意招呼左你先呀！你咬我食呀！即刻同我躝入去訓導室！」

「躝你老母！」

「咁多嘢講呀嗱！」周Sir用佢碩壯身軀壓埋黎，佢當我係賊咁制服，再將我推入訓導室！

= = = = 

IG: ar_hong_91





#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師