真人真事改篇﹕師生戀﹕《最接近的陌生距離》: 第十五章之二

「打開第三十頁。」Miss照舊教書，風彩依然：「呢度係小測範圍，同學你地要留意幾樣野⋯⋯」

眼前呢個人係我老師，亦都係我女朋友，但佢嬲左我。佢成堂冇望過我一眼。我同佢明明已經親密到可以彼此玉白相見。佢最軟弱嘅一面都唔介意比我見到。前日發生嘅一切我都好明白佢真係承認我係佢男朋友。

好⋯⋯冷靜！阿匡冷靜！ 唔好再亂諗嘢！

我地嘅關係應該唔會咁快就完嘅！

要做啲嘢出黎氹下佢先。





「⋯⋯小測範圍講完啦。而家派埋今晚嘅功課⋯⋯」

「Miss,等我黎！」我舉起手。

「😊」

What the⋯⋯？！

「肥波仔。你幫手派。」Miss好親切咁叫阿波。





我地全班男人一直都想被女王大人徵召、差遣。親切嘅稱呼再加差遣簡直要皇恩浩蕩！搞到阿波好得戚咁向全班示威添！

死肥仔你憑咩呀！

Miss回頭返去黑板前準備教新野。佢拎粉筆喺黑板寫野時，就啪一聲整斷左。 佢打算喺粉筆盒搵新粉筆時，就嬲嬲地咁講：「邊個玩粉筆呀！搞到而家冇粉筆用啦！」

「匡哥囉！」全班一直叫。

我回望班仆街仔⋯⋯你⋯⋯你地⋯⋯係邊個成日冒生命危險去對面商場買四仔返黎比你地J架！你地竟然咁害我？





我望返去Miss, 好想解釋其實我地未拍拖時我已經玩爛晒啲粉筆啦！

「Miss⋯⋯」

「😊」

Holly⋯⋯?!我寧願佢指住我黎鬧呀！

「快嘅搵人去校務處拎啦！」

我舉起手：「咁等我黎啦。我衰，我玩爛晒！」

Miss望都冇望我就話：「杰仔落去幫手拎。」

係杰少呀，杰咩仔呀。





「⋯⋯咁樣等粉筆太花時間添。我地睇左片先啦。」

Miss本來想用搖控去開啟課室中間頂嘅投映器，但原來搖控冇電。佢想手動操作時又好難先撳個制，就差晒腰抱怨咁講：「啲紳士去晒邊呀？」

我連環被打敗，我連舉手嘅勇氣都冇。

不過當我喪失力氣同希望時，我感受到有抹溫暖嘅光喺Miss度掃過黎。Miss竟然望住我，仲收起左死亡微笑，就話：「阿匡⋯⋯」

天啊！終於！！

阿盈！我黎幫你！

「算啦！都係我自己黎。」 Miss輕輕一跳，就撳到個制。





頂——！！

= = = = 

IG ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師